Prezident Jarlyǵymen Senat depýtaty bolǵan Mańǵystaý oblysynyń eks-ákimi Serikbai Trumov Qazaqstan halqyna ant berdi, dep habarlaidy "Ult aqparat".
«Ózderińizge belgili, Memleket basshysynyń Jarlyǵymen Serikbai Trumov Senat depýtaty bolyp taǵaiyndaldy. Ol jumysshydan bastalǵan eńbek jolynda Mańǵystaý oblystyq máslihatynyń hatshysy, sondai-aq qala ári oblys ákimi siiaqty jaýapty qyzmetterdi atqaryp, týǵan óńiriniń ósip órkendeýine zor eńbegin sińirdi. Endi, bizdiń qatarymyzǵa qosylyp otyr», - dedi Senat tóraǵasy Máýlen Áshimbaev.
Osy oraida, joǵarǵy palatanyń jalpy otyrysynda jańa depýtat Serikbai Trumovtyń ant berý rásimi ótti.
"Qazaqstan halqyna adal qyzmet etýge, Qazaqstan Respýblikasynyń tutastyǵy men táýelsizdigin nyǵaitýǵa, onyń Konstitýtsiiasy men zańdaryna qatań baǵynýǵa, depýtat retinde ózime júktelgen mártebeli mindetterdi adal atqarýǵa ant etemin", - dedi senator.
Sondai-aq ol agrarlyq máseleler, tabiǵatty paidalaný jáne aýyldyq aýmaqtardy damytý komitetiniń quramyna sailandy.
Eske salsaq, 10 qyrkúiekte Serikbai Trumov Memleket basshysynyń Jarlyǵymen Senat depýtaty bolyp taǵaiyndaldy.
Trumov 2019 jyldan 2021 jylǵa deiin Mańǵystaý oblysynyń ákimi qyzmetin atqardy. Onyń ornyna energetika ministri bolǵan Nurlan Noǵaev keldi.
Aita keteiik, Serikbai Trumov 1964 jyly 3 maýsymda Mańǵystaý oblysynda dúniege kelgen.
1992 jyly injener-qurylysshy mamandyǵy boiynsha Lenin atyndaǵy Qazaq politehnikalyq institýtyn támamdady. 1983-1985 jyldary keńes armiiasy qatarynda áskeri boryshyn ótedi.
Mańǵystaý oblysy ákiminiń orynbasary, Jańaózen qalasynyń ákimi, Aqtaý qalasynyń ákimi qyzmetterin atqardy.
Mańǵystaý oblystyq máslihatynyń hatshysy boldy.
2019 jyldyń maýsymynan bastap Mańǵystaý oblysynyń ákimi bolyp qyzmet etti.
