Sport jáne dene shynyqtyrý isteri komitetiniń tóraǵasy Serik Sápiev Tokio Olimpiadasyndaǵy Qazaqstan quramasynyń jai-kúii týraly pikir bildirdi, dep habarlaidy QazAqparat.
«Olimpiada jaqsy bolyp jatyr. Aita ketetinim, memleket tarapynan, Mádeniet jáne sport ministrligi, Ulttyq Olimpiada komiteti jáne sport túrleri boiynsha federatsiia tarapynan sportshylarǵa Olimpiada oiyndaryna sapaly daiyndalyp, tabysty óner kórsetýine baǵyttalǵan barlyq qajetti jaǵdai jasaldy. Onyń ishinde materialdyq qarjylandyrý, oqý-jattyǵý jiyndary, kóptegen halyqaralyq jarystar, meditsinalyq turǵydan sharalar jasaldy. Ózderińiz bilesizder, sportta úmittiń aqtala bermeitinin este saqtaǵan jón. Alaida qazaqstandyq sportshylardyń árqaisysy laiyqty nátije kórsetýi úshin bar kúsh-jigerin salady dep senemiz», - dedi Serik Sápiev Ortalyq kommýnikatsiialar qyzmetinde brifingte.
Aita keteiik, Tokiodaǵy Olimpiadada Qazaqstan quramasynda sporttyń 28 túrinen 97 joldama bolǵan edi. Ázirge Qazaqstan qorjynynda úsh «qola» medal bar. Olardy dziýdoshy Eldos Smetov jáne aýyr atletter Igor Son men Zúlfiia Chinshanlo jeńip aldy.
