Bokstan 2012 jylǵy Olimpiada chempiony Serik Sápiev sporttyq mansabyndaǵy bas júldeni qalai jeńip alǵanyn jáne odan keiin qolǵappen qoshtasý sheshimin qalai qabyldaǵanyn eske aldy. Bul týraly Sports.kz saity habarlady.
«Jas sportshy bolǵanda, ómirimdegi eń asqaq armandarymnyń biri – Olimpiada chempiony ataný edi. Men úshin bul titýlǵa ie bolý úlken qurmet boldy. Oǵan qosa, Vel Barker júldesimen marapattaldym. Olimpiada chempiony ataný maqsaty oryndaldy. 2012 jyly Londondaǵy Olimpiada oiyndary kezinde altyn medalǵa qol jetkizdim. Alaida bul jeńisten keiin jattyqtyrýshylarymnyń sózderine qulaq asyp, bokstaǵy jolymdy aiaqtaý sheshimin qabyldadym. Bul – óte mańyzdy sheshim ekenine qaramastan, birinshi kezekte óz densaýlyǵyma kóńil bólýdi jón kórdim.
Árine, keide artyma qarap, ishimnen kásipqoi boksqa ótýim jón be edi dep oilap qoiamyn. Biraq, qalai bolǵanymen, ótken kún men búginime rizamyn», - dep baiandady QR Mádeniet jáne sport ministrligi Sport jáne dene shynyqtyrý isteri komitetiniń tóraǵasy Serik Sápiev The Ring-men áńgime barysynda.
