Sportshy da, bapker de qatelesedi. Bul týraly QR Mádeniet jáne sport ministrligi Sport jáne dene shynyqtyrý isteri komitetiniń tóraǵasy Serik Sápiev aitty, dep habarlaidy QazAqparat.
«Shyndyǵynda ǵylym alǵa jyljyp barady. Sportshylardy jarysqa daiyndaýdyń túrli ádisteri bar. Bapker jarys protsesine sporttyq psihologiianyń qanshalyqty mańyzdy ekenin túsinedi. Bizben de psihologtar jumys istedi, jeke ádister boldy. Menińshe, tipti komandalyq oiyn bolsa da árbir sportshyǵa jeke ádis qajet», - dedi ol.
Onyń paiymynsha, bapkerlerdiń de psihologiialyq daiyndyǵy barynsha mańyzdy.
«Aldaǵy ýaqytta bizdiń bapkerlerdi de sporttyq psihologiiaǵa oqytý qajet dep esepteimin. Óitkeni kópshiligi sportshylarmen qalai qarym-qatynasta bolý qajettigin, olardyń qandai kóńil-kúide ekendigin bilmei jatady», - dedi Serik Saiev.
Komitet basshysy sportshylardyń da, bapkerlerdiń de qatelikke boialdyrýy múmkin ekendigin atap ótti.
«Bizde bapkerdi Qudaidai kórý qalyptasyp qalǵan. Ol ne aitsa da tyńda, iste. Alaida kei kezde bapker de, sportshy da qatelikke urynady», - dedi komitet basshysy.
Sondai-aq, ol jýrnalister saýalyna jaýap bere otyryp doping daýyna ilikken sportshylarmen psiholog jumys júrgizbeitinin aitty.
«Meniń biliýimshe, olarmen eshqandai jumys júrgizilmeidi. Olar qatelikke boi aldyrǵandyǵyn túsinedi. Sportshy doping daýyna iligip jazalanǵannan keiin qaitadan doping qoldanǵany týraly derekter esimde joq. Sportshylar eger mundai jait qaitadan oryn alatyn bolsa ómir boiyna sporttan shettetiletindigin túsinedi», - dedi Sápiev.
Onyń atap ótýinshe, elimizdiń ulttyq quramasynda sportshylardy psihologiialyq turǵyda daiyndaityn arnaiy psihologtar jumys isteidi.
«Alaida, meniń bilýimshe, ol doping qabyldaǵannan keiin nemese qandai da bir jait oryn alǵan soń onymen psihologiialyq jumys júrgizilmeidi. Jarysqa daiyndyq protsesi boiynsha ǵana jumys júrgiziledi», - dedi komitet basshysy.
Serik Sapiev qazirgi ýaqytta sportshylardyń daiyndyq deńgeiiniń aitarlyqtai ósip, olardyń tehnikalyq jáne taktikalyq sheberlikteri shyńdala túskendigin de tilge tiek etti.
