Fotokollaj: AzattyqRuhy
Ulttyq qaýipsizdik komiteti tóraǵasynyń orynbasary - Shekara qyzmetiniń basshysy Erlan Aldajumanov Almaty oblystyq politsiia departamentiniń eks-basshysynyń qashýyna qatysty pikir bildirdi, dep habarlaidy Sputnik Qazaqstan.
Qazirgi boljamǵa sáikes, qańtar oqiǵasy kezinde qyzmet ornyn tastap ketkeni úshin aiyptalǵan Serik Kúdebaev taý arqyly aldymen Qyrǵyzstanǵa qashqan. Sol jaqtan Túrkiiaǵa ushyp ketken.
“Ol resmi shekara beketterinen ótken joq. Qazirgi joramalǵa sáikes, taýmen shekaradan ótip ketti. Sol jaqta ózi týǵan aýyl bar, taýǵa jaqyn jerde sharýashylyǵy da bar. Ótkizetin adamdar men múmkindik bar”, - dedi Aldajumanov Cenatta ótken brifingte.
Onyń aitýynsha, qazirgi kezde tekseris sharalary bastaldy. Arnaiy top taý jaqta júr.
“Ile Alataýda Qyrǵyzstanmen aradaǵy shekara 672 shaqyrymǵa sozylyp otyr. Ony tekserip shyǵý ońai sharýa emes. Qazirgi kezde bas prokýratýra qylmystyq is qozǵady. Basqa eshteńe aita almaimyn. Bizde bólek tekseris júrgizip jatyrmyz”, - dep atap kórsetti Aldajumanov.
Shekara qyzmeti Qyrǵyzstanǵa da saýal joldaǵan. Ol jaqta da tergeý sharalary bastaldy. Biraq ázirshe Kúdebaevqa qatysty naqty málimetter jariialanbai otyr.
