Ekologiia, geologiia jáne tabiǵi resýrstar vitse-ministri Serik Qojaniiazov belgili sarapshy, sý salasynyń mamany Málik Bórlibaevtyń Balqash kóliniń taǵdyry týraly málimdemesine pikir bildirdi, dep habarlaidy QazAqparat.
Vitse-ministrdiń sózine qaraǵanda, Balqash kóli ekologiialyq apatqa ushyramaýy úshin jyl saiyn 12 tekshe shaqyrym sý quiylýy kerek. Mamandar kóp jylǵy zertteýler nátijesinde osyndai tujyrym jasaǵan.
«Qytaimen kelissózder aiasynda bizdiń eldiń ustanymy sý bólisý kezinde ekojúieni eskerý kerek degenge saiady. Osyǵan bailanysty Qazaqstan tarapy Balqash kólin Ileniń sýyn negizgi tutynýshy nysan dep kórsetip júr. Kelissózder kezinde Balqashtyń ekologiialyq jaǵdaiy Ileden keletin sýǵa táýeldi ekenin aitýdyń bir de bir múmkindigin jiberip kórgen joqpyz.
Ǵalymdar ózderiniń kópjylǵy zertteýlerine súienip, Balqash kóliniń aman turýy úshin Baltyq júiesi boiynsha 341 metr deńgeide saqtalý kerek dep topshylaidy. Keiingi 10 jylda kóldiń deńgeii 340 metrden túspegenin aitý kerek», - deidi ministrlik ókili.
Sondai-aq, Dobyn shekaralyq beketindegi gidrogoliialyq derekterdi taldaý kezinde Ileniń kópjyldyq ortasha aǵyny 2001-2020 jyldar alalyǵynda 13,8 tekshe shaqyrym bolǵanyn málim etti.
«Balqashqa jyl saiyn 12 tekshe shaqyrym sý kelip otyrsa, kóldiń deńgeii turaqty saqtalýyna kepil bola alady. Qadirli Málik Bórlibaevtyń málimdemesinen keiin bul másele barlyq áleýmettik jelilerde kesheden beri qyzý talqylanyp jatyr. Solarǵa jaýap retinde mynany aitqym keledi. Joǵaryda ózim keltirgen derekterdi negizge ala otyryp, «Balqashqa Araldyń taǵdyryn qaitalaý qaýpi tónim turǵan joq» ekenin aitamyn. Qytai tarapymen kelissózder kezinde Ileden kiretin sýdyń aǵynyn jylyna 12 tekshe shaqyrymnan kem bolmaý kerek degen naqty ustanym aityp kelemiz. Sý budan tómen bolmasa, Balqashqa qurý qaýpi tónbeidi», - dedi ministrdiń orynbasary.
Serik Qojaniiazov Qytai tarapy da óziniń shekarasynyń mańynda ekologiialyq apat bolǵanyn qalamaidy degen boljam aitty.
«Bulai deýime birlesken komissiianyń 17-otyrysynda Qytai tarapynyń kelisim jobasyn talqylai kelip, eki jaqtaǵy ekojúieni damytý jáne saqtaý týraly usynystarǵa kelisti. Bul Balqash kóliniń ekologiiasy úshin mańyzdy», - dedi vitse-ministr.
