ەكولوگييا, گەولوگييا جەنە تابيعي رەسۋرستار ۆيتسە-مينيسترٸ سەرٸك قوجانييازوۆ بەلگٸلٸ ساراپشى, سۋ سالاسىنىڭ مامانى مەلٸك بٶرلٸباەۆتىڭ بالقاش كٶلٸنٸڭ تاعدىرى تۋرالى مەلٸمدەمەسٸنە پٸكٸر بٸلدٸردٸ, دەپ حابارلايدى قازاقپارات.
ۆيتسە-مينيستردٸڭ سٶزٸنە قاراعاندا, بالقاش كٶلٸ ەكولوگييالىق اپاتقا ۇشىراماۋى ٷشٸن جىل سايىن 12 تەكشە شاقىرىم سۋ قۇيىلۋى كەرەك. ماماندار كٶپ جىلعى زەرتتەۋلەر نەتيجەسٸندە وسىنداي تۇجىرىم جاساعان.
«قىتايمەن كەلٸسسٶزدەر اياسىندا بٸزدٸڭ ەلدٸڭ ۇستانىمى سۋ بٶلٸسۋ كەزٸندە ەكوجٷيەنٸ ەسكەرۋ كەرەك دەگەنگە سايادى. وسىعان بايلانىستى قازاقستان تاراپى بالقاش كٶلٸن ٸلەنٸڭ سۋىن نەگٸزگٸ تۇتىنۋشى نىسان دەپ كٶرسەتٸپ جٷر. كەلٸسسٶزدەر كەزٸندە بالقاشتىڭ ەكولوگييالىق جاعدايى ٸلەدەن كەلەتٸن سۋعا تەۋەلدٸ ەكەنٸن ايتۋدىڭ بٸر دە بٸر مٷمكٸندٸگٸن جٸبەرٸپ كٶرگەن جوقپىز.
عالىمدار ٶزدەرٸنٸڭ كٶپجىلعى زەرتتەۋلەرٸنە سٷيەنٸپ, بالقاش كٶلٸنٸڭ امان تۇرۋى ٷشٸن بالتىق جٷيەسٸ بويىنشا 341 مەتر دەڭگەيدە ساقتالۋ كەرەك دەپ توپشىلايدى. كەيٸنگٸ 10 جىلدا كٶلدٸڭ دەڭگەيٸ 340 مەتردەن تٷسپەگەنٸن ايتۋ كەرەك», - دەيدٸ مينيسترلٸك ٶكٸلٸ.
سونداي-اق, دوبىن شەكارالىق بەكەتٸندەگٸ گيدروگولييالىق دەرەكتەردٸ تالداۋ كەزٸندە ٸلەنٸڭ كٶپجىلدىق ورتاشا اعىنى 2001-2020 جىلدار الالىعىندا 13,8 تەكشە شاقىرىم بولعانىن مەلٸم ەتتٸ.
«بالقاشقا جىل سايىن 12 تەكشە شاقىرىم سۋ كەلٸپ وتىرسا, كٶلدٸڭ دەڭگەيٸ تۇراقتى ساقتالۋىنا كەپٸل بولا الادى. قادٸرلٸ مەلٸك بٶرلٸباەۆتىڭ مەلٸمدەمەسٸنەن كەيٸن بۇل مەسەلە بارلىق ەلەۋمەتتٸك جەلٸلەردە كەشەدەن بەرٸ قىزۋ تالقىلانىپ جاتىر. سولارعا جاۋاپ رەتٸندە مىنانى ايتقىم كەلەدٸ. جوعارىدا ٶزٸم كەلتٸرگەن دەرەكتەردٸ نەگٸزگە الا وتىرىپ, «بالقاشقا ارالدىڭ تاعدىرىن قايتالاۋ قاۋپٸ تٶنٸم تۇرعان جوق» ەكەنٸن ايتامىن. قىتاي تاراپىمەن كەلٸسسٶزدەر كەزٸندە ٸلەدەن كٸرەتٸن سۋدىڭ اعىنىن جىلىنا 12 تەكشە شاقىرىمنان كەم بولماۋ كەرەك دەگەن ناقتى ۇستانىم ايتىپ كەلەمٸز. سۋ بۇدان تٶمەن بولماسا, بالقاشقا قۇرۋ قاۋپٸ تٶنبەيدٸ», - دەدٸ مينيستردٸڭ ورىنباسارى.
سەرٸك قوجانييازوۆ قىتاي تاراپى دا ٶزٸنٸڭ شەكاراسىنىڭ ماڭىندا ەكولوگييالىق اپات بولعانىن قالامايدى دەگەن بولجام ايتتى.
«بۇلاي دەۋٸمە بٸرلەسكەن كوميسسييانىڭ 17-وتىرىسىندا قىتاي تاراپىنىڭ كەلٸسٸم جوباسىن تالقىلاي كەلٸپ, ەكٸ جاقتاعى ەكوجٷيەنٸ دامىتۋ جەنە ساقتاۋ تۋرالى ۇسىنىستارعا كەلٸستٸ. بۇل بالقاش كٶلٸنٸڭ ەكولوگيياسى ٷشٸن ماڭىزدى», - دەدٸ ۆيتسە-مينيستر.
