Qazaqstan boks federatsiiasy AIBA prezidenti laýazymyna Serik Qonaqbaevty usyndy, dep habarlaidy federatsiianyń baspasóz qyzmeti.
«AIBA sailaý týraly erejege sáikes, biz barlyq ulttyq federatsiialarǵa óz usynysymyz týraly habarladyq. Endi olardan bizdiń úmitkerdi qoldaityn hat kútip otyrmyz. Keiin biz qujattardy Halyqaralyq áýesqoi boks qaýymdastyǵynyń shtab-páterine jiberemiz. Qujattar tekserilgennen keiin úmitkerlerdiń tizimi AIBA saitynda jariialanady», - dep habarlady Qazaqstan boks federatsiiasynyń atqarýshy direktory Bekjan Bektenov.
Halyqaralyq áýesqoi boks qaýymdastyǵy (AIBA) atqarý komitetiniń músheleri men prezidentin sailaý 2-3 qarashada Máskeýdegi kezekti kongreste ótedi.
Serik Qonaqbaev - tanymal áýesqoi boksshy. Ol sporttyq mansabyn aiaqtaǵannan keiin qoǵamdyq istermen jáne sport menedjmentimen ainalysqan. Ol bokstan eki dúrkin Eýropa chempiony jáne eki ret Álem kýbogyn ielengen. 1980 jyly Máskeýde ótken Olimpiadanyń kúmis júldegeri. Qonaqbaev ekinshi, úshinshi jáne tórtinshi shaqyrylǵan Parlament Májilisiniń depýtaty. 2010 jyldan beri AIBA atqarý komitetiniń múshesi, 2014 jyldan beri - AIBA vitse-prezidenti jáne Aziia boks konfederatsiiasynyń prezidenti.
