Halyqaralyq boks qaýymdastyǵynyń vitse-prezidenti Serik Qonaqbaevtyń sporttyq arbitrajdy sotqa (CAS) jibergen shaǵymy qanaǵattandyrylyp, ol resmi túrde AIBA prezidenttigine úmitker atandy. Bul týraly Olympic.kz málimdedi.
«CAS pen bul iske qatysýshylarǵa meniń shaǵymym boiynsha ádil sheshim shyǵarǵany úshin alǵys aitamyn. Biz keltirgen dálelderdi CAS-tiń oń qabyldaǵanyna rizamyn. Men úshin AIBA prezidenttigine úmitker ataný úlken qurmet. Endi basshylyqty qolǵa alyp, ulttyq federatsiialarmen birlese otyryp uiymymyz ben sportymyzdy qaita jandandyrýǵa múmkindik bar», - dedi Qonaqbaev.
Ol Prezidýmdy utyp alý úshin bar kúshin salatynyn aitty.
«Maǵan prezidenttikke úmitker atanýǵa múmkindik berdi. Ári qarai Prezidiýmdy utyp alý úshin bar kúshimdi salamyn. Muny ózim úshin emes, bizdiń boksshylardyń quqyǵyn, olardyń Olimpiadadaǵy armany men úmitin qorǵaý úshin istegim keledi. Bul mindetke úlken jaýapkershilikpen qaraimyn jáne 3 qarasha kúni Máskeýde ótetin sailaýdy asyǵa kútemin. AIBA-nyń jarqyn bolashaǵy úshin qaýymdastyqtyń barlyq múshelerinen meniń kandidatýramdy qoldaýdy ótinemin», - dedi ol.
Osyǵan deiin Serik Qonaqbaev úmitkerler tizimine enbei qalǵany týraly aitylǵan edi. Munyń sebebi qaýymdastyq prezidenttigine kandidat 3 qazan kúni 20 eldiń jazbasha qoldaýyn ótkizý qajet bolǵan.
58 jastaǵy Serik Qonaqbaev halyqaralyq arenda sport fýnktsioneri retinde 2010 jyldan beri tanyla bastady. Sol jyly AIBA-nyń atqarý komitetiniń músheligine ótti. Al 2014 jyldan beri AIBA vitse-prezidenti jáne Aziia konfederatsiiasynyń prezidenti qyzmetin atqaryp keldi.
Jyl basynan beri prezidenttiń ýaqytsha mindetin Gafýr Rahimov atqaryp keledi. Dál osy jaǵdai Halyqaralyq Olimpiada komiteti men AQSh-tyń narazylyǵyn týdyrdy. Óitkeni, ózbekstandyq sport fýnktsioneriniń qylmys álemine qatysy bar ekendigi jáne ol jaqtaǵy bedeli jii sóz bolyp júr. HOK prezidenti Tomas Bah boks qaýymdastyǵynan basqarýshy qurylymdar, qarjy jáne ishki dopingke qarsy júie jaily tolyq málimet berýin talap etken edi. Tipti, Rahimov prezidenttik sailaýǵa túsetin bolsa, boksty Olimpiada oiyndarynan alyp tastaýy múmkin ekenin eskertkeni bar.
AIBA prezidenti 3 qarasha kúni sailanady. Eki kandidat qana bar: ózbekstandyq Gafýr Rahimov jáne qazaqstandyq Serik Qonaqbaev.
