«ARQADA QASYM ÚII ShAŃYRAQ KÓTERE ME?!.»
(Qadyr Myrza Áliniń Oraldaǵy toiynan týǵan oi)
Oblys ákimi hám oblystyq máslihat depýtattarynyń nazaryna!
Adamzattyń materialdyq jáne rýhani qundylyqtaryn jasaǵandardyń bári de – noqtaǵa asaý basy syimaǵan azat adam, olar: Niýton men ál-Farabi, Pýshkin men Abai, Baýyrjan Momyshuly men Qasym Amanjolov!
Qazaq jyryn Abaidan keiin tezge salǵan adam – Qasym! Maǵjandy sol kezdegi kózi qaraqty, kóńili oiaý zamandas-qatarlastarynan basqa eshkim baiqamai qaldy... Qazaq poeziiasyndaǵy Abai, Qasym mektebi HIH-HH ǵasyrlardaǵy qazaq jyryn osy kúngi adamzattyq deńgeiden de asyryp jiberdi deýge bolady! HHI ǵasyrdaǵy qazaq óleńi búginde de búkil dúniejúzilik poeziianyń kósh basynda tur!
Qasymnyń qadir-qasietin odan keiin ile-shala dúniege kelgen jas, jasampaz Qasymdar birden túsindi: «Deisińder-aý Qasymnyń nesi Qasym? Aqynmyn dep qompańdap júrgenderdiń ámmesinen Qasymnyń desi basym...» (Muqaǵali).
...Aqjaiyq eli Qadyr Myrza Álini alaqanyna salyp jatyr. Qasymdy pir tutyp kelgen arda aqynnyń 80 jyldyǵy saltanatpen ótýde. Jetisýda Muqaǵali Maqataevtyń ataq-dańqy jer jaryp tur! Ulttyq poeziiamyzǵa alpysynshy jyldary kelgen osynaý asaý tolqynnyń piri Qasym edi. Biz oǵan qandai qurmet jasadyq? Qaraǵandy-Qarqaralyda dúrildetip 100 jyldyǵyn atap óttik. Eki ai saiyn respýblikalyq «Qasym» jýrnaly jaryq kóredi. Odan basqa túk joq... Qasymnyń shákirtterine jasalyp jatqan iltipat-qurmettiń qasynda munyń bári – ánsheiin dúnie ǵana...
Arqada Qasymǵa arnalǵan iri mádeni-rýhani ortalyq salý – kezek kúttirmeitin mindet! Sonyń ishinde Qasym kitaphanasy, Qazaqstan Jazýshylar odaǵynyń oblystyq filialy, Qasym jýrnalynyń redaktsiiasy ornalasyp, onda oblysymyzdaǵy ulttyq rýhaniiattyń qazany qyzý qainap jatsa, nur ústine nur bolar edi. Reseide Pýshkinniń úii, Bloktyń úii, Pragada Kafkanyń úii bar. Qazaqta kózi tirisinde úisiz, kúisiz ótip, sovet ókimeti kezinde qazaqtyń qara óleńiniń bosaǵada qalǵan qairan altyn basyn tórge súiregen Qasymnyń da úii bolýy kerek!
Oblys ákimi men oblystyq máslihattyń depýtattary Oralda qolǵa alynǵan igi sharalardan keiin oilanatyn shyǵar endi?!"
(«ARQA AQShAMY" GAZETI.2015j.2.07.).
... Biraq, Arqada áli eshkim oilana qoiǵan joq...
Serik Aqsuńqarulynyń feisbýktegi jazbasynan
