"DIMASh AQSAQALǴA HAT"
Nápsisin tiyp, qulyptap,
Tastasa, Alla quly utpaq...
Dimeke, biik rýhyńmen,
Halqyńdy óttiń, ulyqtap.
Jan ediń, asyl, bek qylyq,
Ár sóziń elge ekti úmit...
"Baltyryń qanap" júrse de,
Joǵaltpai kettiń, tektilik.
Jomarttyq saǵan jaily uǵym,
Jetimge jetti, "shailyǵyń".
Milliardty jiyp jatpadyń,
Miyńa syidy, bailyǵyń...
Uly ediń, biraq, qopal eń.
"Buzbady" seni "toq álem",
Sábisiz ǵumyr keshseń de,
Izdegen joqsyń "toqal-em".
Jezókshe ǵumyr súrmediń,
Aibat qyp, elge úrmediń.
Alaiaq jiyp qasyńa,
"Alshydan basyp" júrmediń.
"Shiritpei basyn balyqtyń",
Jep óttiń qamyn halyqtyń.
Týǵan kún sende toi emes,
Datasy ǵana alyptyń...
Ketse de saitan, jyn úiip,
Kieli "jermiz", shyn, "uiyq"...
Erteńi "ertek" elińe,
Tursyz ba, kókte jymiyp?!
Serik Abas-shah
Astana. 12.01.2012 jyl.
