Soltústik Qazaqstan oblysy aýmaǵyndaǵy shaǵyn ózenderde muz qursaýynyń buzylý protsesi jalǵasyp, Esil ózeninde sý deńgeii kóterilip kele jatyr. Bul jaiynda QR IIM Tótenshe jaǵdailar komitetinen málim etti, dep habarlaidy "Ult aqparat".
«Shaǵyn ózenderde muz keptelisi jáne sý deńgeiiniń kóterilýi baiqalady. Osyǵan orai 6-7 sáýirde Aiyrtaý aýdana qarasty Gýsakovka eldi mekeni tusynda Babyqburlyq ózeninde, Ǵ.Músirepov aýdanynda, Rýzaevka eldi mekenine jaqyn mańda Aqanburlyq jáne Jembarmaq ózenderinde muzdy jarýy jumystary júrgizildi. Qazirgi ýaqytta 3 sý qoimasyn monitoringileý jumysy júrgizilip jatyr. Sergeevka sý qoimasy 122,64 paiyzǵa lyq tolyp, sý 127 santimetrge erneýinen asyp tógilýde. Sý qoimasy bar Petropavl sý toraby 95,76 paiyzǵa, Shaǵalaly sý qoimasy 77,5 paiyzǵa tolǵan», - dep atap ótedi komitetten.
Vedomstvo málimetinshe, sý tasqyny qaýpi bar aýdandarda oblystyq tótenshe jaǵdailar departamentiniń kúshi men quraldary jiberilgen. Atap aitqanda, Ýálihanov, Timiriazev, Aiyrtaý jáne Ǵ.Músirepov aýdandaryna 63 maman, 19 tehnika, 8 sý sorǵysh jáne 5 júzý quraly kómekke barǵan.
Ózenderdegi sý deńgeiine monitoring júrgizilip, keptelgen muzdy bólshekteý jumysy júrgizilip jatyr.
