QR tsifrlyq damý, innovatsiialar jáne aeroǵarysh ónerkásibi ministriniń buiryǵymen Omash Serǵazy Baǵdatuly QR Tsifrlyq damý, innovatsiialar jáne aeroǵarysh ónerkásibi ministrliginiń Geodeziia jáne kartografiia komitetiniń tóraǵasy qyzmetine taǵaiyndaldy, dep habarlaidy "Ult aqparat" Úkimet basshysynyń resmi saityna silteme jasap.
Serǵazy Omash 1979 jyly Qaraǵandy oblysynda týǵan. QR Prezidenti janyndaǵy Resei halyq sharýashylyǵy jáne memlekettik qyzmet akademiiasyn (ekonomist), Qaraǵandy memlekettik tehnikalyq ýniversitetin (injener), Qaraǵandy memlekettik tehnikalyq ýniversitetiniń «Femida» Zań akademiiasyn (zańger) bitirgen.
Eńbek jolyn 2000 jyly Qaraǵandy q. Oktiabr aýdany boiynsha Salyq komitetiniń aqparattyq qamsyzdandyrý jáne esepke alý bóliminiń salyq inspektory bolyp bastady.
2001 jyldan 2009 jyl aralyǵynda Qaraǵandy q. Qaraǵandy oblystyq bailanys jáne aqparattandyrý basqarmasynda, Qaraǵandy oblysynyń Ishki ister departamentinde jumys istedi.
2009 jyldan 2010 jyl aralyǵynda QR Agenttiginiń Aqparattyq tehnologiialar departamentiniń Astana q. aqparattandyrý jáne bailanys boiynsha aqparattandyrý salasyndaǵy memlekettik saiasatty iske asyrý basqarmasynyń bas sarapshysy, bastyǵy qyzmetterin atqardy.
2010 jyldan 2012 jyl aralyǵynda QR Bailanys jáne aqparat ministrliginiń Astana q. Aqparattyq tehnologiialar departamentiniń aqparattandyrý salasyndaǵy memlekettik saiasatty qalyptastyrý basqarmasynyń bastyǵy boldy.
2012- 2013 jj. — Qazaqstan Respýblikasy Kólik jáne kommýnikatsiialar ministrliginiń Kóliktik baqylaý komiteti tóraǵasynyń orynbasary.
2013 jyldan 2018 jyl aralyǵynda QR Joǵarǵy soty janyndaǵy Sottar qyzmetin qamtamasyz etý departamentiniń aqparattyq tehnologiialar jáne aqparattyq resýrstardy qorǵaý bóliminiń meńgerýshisi bolyp eńbek etti.
2018-2019 jj. — QR AShM Jer resýrstaryn basqarý komitetiniń tóraǵasy.
2019 jylǵy mamyrdan tamyz aralyǵynda - «Zerde» UAH AQ Basqarma múshesi - Tóraǵasy.
2019 jylǵy tamyzdan qazirge deiin QR TsDIAÓM Geodeziia jáne kartografiia komitetiniń Tóraǵasynyń mindetin ýaqytsha atqarýshy qyzmetinde boldy.
