Qazaqstan investitsiia tartýda óziniń kúsh-jigerin eseleýi kerek. Búgin elordada Jahandyq investitsiialar boiynsha jyl saiynǵy «dóńgelek ústel» otyrysynda Prezidenttiń ekonomikalyq damý jónindegi shtattan tys keńesshisi Ser Sýma Chakrabarti málim etti, dep habarlaidy QazAqparat.
«Qazaqstan óziniń básekege qabilettiligin arttyrý boiynsha is-sharalar keshenin júzege asyryp keledi. Osy oraida investitsiia tartý baǵytynda eleýli qadamdar jasaldy. Meniń oiymsha, bul salada Qazaqstan óziniń kúsh-jigerin eseleýi kerek. Bul turǵyda shikizattyq emes sektorǵa, syrtqy saýdaǵa bailanysty investitsiia tartýǵa baǵyttalǵan jumystarǵa erekshe ekpin qoiylǵan jón», - dedi Ser Sýma Chakrabarti.
Onyń paiymynsha, «Astana» Halyqaralyq qarjy ortalyǵy arqyly júrgiziletin is-sharalarǵa da mán berý kerek. Óitkeni bul ortalyq eleýli tabysqa qol jetkizdi.
«Sondyqtan investitsiialyq jobalardy tiimdi júzege asyýdy qamtamasyz etý kerek», - dedi ol.
