30 maýsymda atmosferalyq aǵyndardyń ótýine bailanysty Qazaqstannyń basym bóliginde qubylmaly aýa raiy bolyp, kei jerlerde naizaǵaily jańbyr jaýady, jel kúsheiedi, daýyl kútiledi, burshaq ta bolýy múmkin. Tek respýblikanyń batysynda jaýyn-shashynsyz aýa raiy kútiledi, dep habarlaidy Qazgidromet.
Sinoptikterdiń boljaýynsha, Soltústik Qazaqstan, Qaraǵandy, Qostanai oblystarynyń kei jerlerinde kúndiz jel 15-20 m/s kúsheiedi, daýyl kútiledi, burshaq bolýy múmkin, túnde jáne tańerteń kei jerlerde tuman bolady. Aqtóbe oblysynda jeldiń jyldamdyǵy 16 metr sekýndqa kúsheiedi.
Kúndiz Jambyl, Qyzylorda oblystarynda jeldiń ekpini 15-20 m/s jetip, daýyl kútiledi, burshaq jaýýy yqtimal.
Aqmola, Pavlodar, Shyǵys Qazaqstan oblystarynyń kei jerlerinde jeldiń kúshi 15-20 m/s jetedi, kúndiz daýyl kútiledi, burshaq jaýýy múmkin.
Kúndiz Batys Qazaqstan, Atyraý, Mańǵystaý oblystarynda qatty ystyq saqtalady, kei jerlerde aptap ystyq bolady.
Almaty oblysynda, Aqtóbe, Jambyl, Qyzylorda oblystarynyń kei jerlerinde qatty aptap ystyq saqtalady.
Mańǵystaý, Atyraý, Qyzylorda oblystarynda, Batys Qazaqstan, Aqtóbe Ońtústik Qazaqstan, Shyǵys Qazaqstan, Qaraǵandy, Jambyl, Almaty oblystarynyń kei jerlerinde joǵary órt qaýpi saqtalady.
