Senator Sultan Dúisembinov Úkimet basshysynynyń orynbasarlary Eraly Toǵjanov pen Roman Skliarǵa joldaǵan saýalynda qazaqstandyq baý-baqshaǵa, ulttyq maqtanyshymyz bolyp sanalatyn «almatylyq aportqa» erekshe qaýip tóndirip otyrǵan bakteriialyq kúiik qateri týraly dabyl qaqty, dep habarlaidy "Ult aqparat".
Onyń aitýynsha, elimiz aýmaǵynda bakteriialyq kúiik alǵash ret 2000 jyldardyń basynda tirkeldi jáne onyń taralý aimaǵy jyldan jylǵa keńeiýip barady. Sońǵy jyldary osy aýrýdy juqtyrǵan baqtardyń aýmaǵy 50 ese ósti.
«Ósimdikter karantini týraly» Zańyna sáikes, bakteriialyq kúiik infektsiiasynyń oshaqtaryn anyqtaǵan kezde 30 shaqyrym radiýstaǵy aǵashtar men barlyq ósimdikterdi tamyrdan tazartý, órteý boiynsha karantindik sharalardy júrgizýge májbúr bolady, ol óz retinde milliardtaǵan shyǵyndarmen qatar ekologiialyq zardaptarǵa ákeledi. Máselen, 2017-2020 jyldary Almaty oblysy aýmaǵynda bakteriialdy kúiigimen zalaldanǵan baqtar kólemi jyl saiyn 1 myń gektarǵa deiin alqapty qurap otyr, oblys boiynsha 200 gektarǵa deiin baqty zalaldanǵan aǵashtardy túbirimen qoparý jumystary júrgizilgen», - dedi Sultan Dúisembinov Senattyń jalpy otyrysynda.
Depýtat mamandardyń paiymdaýynsha, bakteriialyq kúiikke qatysty tiisti sharalardy júrgizbeý, elimizdiń barlyq jemis ekpeleriniń 50 paiyzdan astamy men alma baqtarynyń tolyqtai joǵalýyna soqtyrýy múmkindigin atap ótti.
Sondyqtan senator Bilim jáne ǵylym ministrligine - jemis daqyldarynyń bakteriialyq kúiigine qarsy ǵylymi zertteýlerdi ári otandyq biopreparattardy keń aýqymdy synaý boiynsha baǵdarlamalyq-maqsattardy qarjylandyrý, QR Aýyl sharýashylyǵy ministrligine - biopreparattardy seriialyq óndirý boiynsha tiisti jumystardy uiymdastyrýdy tapsyrý oryndy dep sanaidy.
