Parlament Senatynyń Konstitýtsiialyq zańnama, sot júiesi jáne quqyqqorǵaý organdary komitetiniń keńeitilgen otyrysynda «Qazaqstan Respýblikasy men Ýkraina arasyndaǵy ekstraditsiialaý týraly shartty ratifikatsiialaý týraly» zań jobasy qaraldy, dep habarlaidy "Ult aqparat".
Palata baspasóz qyzmetinen málim etkendei, shart 2018 jylǵy 29 qazanda Nur-Sultan qalasynda jasalǵan.
«Shart izdeýde júrgen adamdardy qylmystyq jaýapkershilikke tartý nemese sot úkimin oryndaý úshin eki el arasynda ekstraditsiialaý máselelerin retteidi. Qujatta ekstraditsiialaý úshin de, odan bas tartý úshin de negizder qarastyrylǵan. Shartty ratifikatsiialaý qylmysqa qarsy kúreste eki el yntymaqtastyǵynyń tiimdiligin arttyrady.Árbir tarap óziniń ulttyq zańnamasy negizinde óz azamattaryn berýden bas tartýǵa quqyly. Osy Shart boiynsha quzyretti organ Qazaqstan Respýblikasynyń Bas prokýratýrasy bolyp tabylady. Qujat palatanyń qaraýyna berildi», - delingen habarlamada.
