Senator Rysqali Ábdikerov elimizdiń Premer-Ministri Asqar Maminniń atyna joldaǵan depýtattyq saýalynda Balqash kóliniń taiazdaný problemasyn kóterdi, dep habarlaidy QazAqparat.
Senatordyń aitýynsha, kóldiń negizgi salasy – Ile ózeni. Ol rezervýarǵa sý kóleminiń 70% deiin ákeledi. Alaida, ózenniń qalypty aǵý jyldamdyǵy sekýndyna 400-500 tekshe metrdi quraýy tiis bolsa, qazir bul kórsetkish sekýndyna 306 tekshe metrdi quraidy.
Munyń múmkin sebepteriniń biri – kórshi memleket aýmaǵyndaǵy ózenniń joǵary aǵysynda rettelýi. Sonymen qatar, senator Balqash kóliniń jaǵdaiyna jaýap beretin memlekettik organdardyń jumysynda birizdiliktiń joqtyǵyn atap ótti.
Sońǵy 14 jylda kóldi zertteý boiynsha keshendi zertteýler is júzinde júrgizilmegen. Sondyqtan kóldegi sý deńgeiiniń ózgerýi týraly statistika joq. Senatordyń pikirinshe, jumystaǵy mundai tásil bolashaqta ekologiialyq apatqa ákelýi múmkin.
«Ile ózenin utymdy paidalanýǵa qatysty Kelisimdi elimiz múddesine sai keletindei etip odan ári pysyqtaýdy, Balqash kólin keleshek úshin saqtaý boiynsha naqtylanǵan arnaiy jospar ázirleýdi, Ile ózeni arqyly kólge quiylatyn sý mólsherin arttyryp, únemdeý úshin ózenge salynǵan gidromeliorativtik júielerdi qaita jańartýdy suraimyz», - dedi depýtat Senattyń jalpy otyrysynda.
