Foto: Gov.kz
Parlamenttiń joǵary palatasy úsh jyldyq biýdjettiń jobasyn Májiliske qaitardy. Senatorlar birqatar baǵyttar boiynsha biýdjetten bólinetin qarjynyń kólemimen kelispedi, dep habarlaidy Sputnik Qazaqstan.
Úsh jyldyq biýdjette shyǵystardyń basym bóligi áleýmettik salaǵa tiesili. Negizgi baǵyttar:
• áleýmettik qamsyzdandyrý jáne áleýmettik kómek - 18 356,0 mlrd teńge, onyń ishinde 2024 jylǵa – 5 426 mlrd teńge;
• “Jaily mektep” ulttyq jobasynda jańadan iske qosylatyn 369 mektepti salýǵa jáne ustaýǵa 1 367 mlrd teńge somasynda, onyń ishinde 2024 jyly – 647 mlrd teńge;
• Qazaqstannyń joǵary oqý oryndarynda jáne shetelde kadrlar daiarlaýǵa 1 459 mlrd teńge somasynda, onyń ishinde 2024 jyly – 463 mlrd teńge;
• ǵylymdy damytýǵa 748 mlrd teńge somasynda, onyń ishinde 2024 jylǵa – 217 mlrd teńge;
• azamattarǵa meditsinalyq kómek kórsetý – 6 727 mlrd teńge, onyń ishinde 2024 jylǵa – 2 168 mlrd teńge;
• sportty damytýǵa 305 mlrd. teńge somasynda, onyń ishinde 2024 jylǵa – 119 mlrd teńge;
• memlekettik aqparattyq saiasatty júrgizýge 196 mlrd teńge somasynda, onyń ishinde 2024 jylǵa – 63 mlrd teńge.
Al ekonomikanyń naqty sektoryn qoldaýǵa arnalǵan shyǵystardyń kólemi 5 815 mlrd teńgeni qurap otyr. 2024 jylǵa 2 897 mlrd teńge qarastyrylǵan. Basym baǵyttar:
• óńdeý ónerkásibin damytýǵa 2024 jylǵa –120,0 mlrd teńge;
• kásipkerlikti damytýǵa jáne qoldaýǵa 720 mlrd teńge somasynda, onyń ishinde 2024 jyly – 267 mlrd teńge;
• jylý energetikasyn damytýǵa 59 mlrd teńge somasynda, onyń ishinde 2024 jylǵa – 58,1 mlrd teńge;
• ónerkásip salalaryn damytýǵa jáne ǵylymi-tehnikalyq baǵdarlamalardy júrgizýge 16 mlrd teńge somasynda, onyń ishinde 2024 jylǵa – 8,7 mlrd teńge;
• aýyl halqynyń tabysyn arttyrý boiynsha jobanyń aýqymyn keńeitýge 200 mlrd teńge somasynda, onyń ishinde 2024 jylǵa – 100 mlrd teńge;
• agroónerkásiptik keshen investitsiialyq jobalaryna jáne kóktemgi egis jáne egin jinaý jumystaryna 620 mlrd teńge somasynda kredit berý, onyń ishinde 2024 jylǵa – 240 mlrd. teńge;
• kólik salasyn damytýǵa 1 477 mlrd teńge somasynda, onyń ishinde 2024 jyly 695 mlrd teńge;
• turǵyn úi-kommýnaldyq sharýashylyqty damytýǵa 709 mlrd teńge somasynda, onyń ishinde 2024 jyly 454 mlrd teńge;
• gaz tasymaldaý júiesin damytýǵa 119,2 mlrd teńge somasynda, onyń ishinde 2024 jylǵa – 87,3 mlrd teńge.
Kúshtik qurylymdardyń shyǵyndary 7 414,0 mlrd teńge somasynda josparlanǵan, onyń ishinde 2024 jylǵa – 2 579 mlrd teńge.
Senatorlar zańdy talqylaý barysynda májilis qabyldaǵan zańǵa júzdegen tolyqtyrý men ózgeris engizdi. Olar:
• “Aýyl – el besigi” baǵdarlamasyn iske asyrýǵa jalpy somasy 18,1 mlrd teńge, onyń ishinde 2024 jylǵa – 13,6 mlrd teńge;
• sýmen jabdyqtaýǵa jáne sý burýǵa jalpy somasy 19,8 mlrd teńge, onyń ishinde 2024 jylǵa – 14 mlrd eńge, bul qalalarda sýmen jabdyqtaý qyzmetterine halyqtyń qoljetimdiligin 99,5%-ǵa deiin, aýyldarda 97,8%-ǵa deiin arttyrýǵa múmkindik beredi;
• gaz tasymaldaý júiesin damytýǵa jalpy somasy 5,1 mlrd teńge, onyń ishinde 2024 jylǵa – 3,3 mlrd teńge somasynda, bul gazdandyrý deńgeiin 61%-ǵa deiin jetkizýge múmkindik beredi;
• jylý, elektr energetikasyn damytýǵa jalpy somasy 3 mlrd teńge, onyń ishinde 2024 jylǵa – 1,7 mlrd. teńge;
• injenerlik infraqurylymdy damytýǵa jalpy somasy 7 mlrd teńge, onyń ishinde 2024 jylǵa – 2 mlrd teńge;
• kólik infraqurylymyn damytýǵa jalpy somasy 13,3 mlrd teńge, onyń ishinde 2024 jylǵa – 8,5 mlrd teńge.
Senatorlar “Qazaqstan Respýblikasynyń Ulttyq qorynan 2024 – 2026 jyldarǵa arnalǵan kepildendirilgen transfert týraly” zańdy maquldady.
Ulttyq qordan respýblikalyq biýdjetke kepildendirilgen transferttiń mólsheri:
• 2024 jylǵa – 2 000 mlrd teńge;
• 2025 jylǵa – 2 000 mlrd teńge;
• 2026 jylǵa – 2 000 mlrd teńge;
Ulttyq qoryna munai sektorynan túsetin qarjy boiynsha munaiǵa kesimdi baǵa da bekitildi.
• 2024 jylǵa – bir barrel úshin 43,4 AQSh dollary;
• 2025 jylǵa – bir barrel úshin 40,2 AQSh dollary;
• 2026 jylǵa – bir barrel úshin 41,8 AQSh dollary;
Aita keteri, Májilis senatorlar engizgen ózgeristerdi qabyldaǵannan keiin úsh jyldyq biýdjet týraly zań birden Prezidenttiń qol qoiýyna jiberiledi.
