Senator Sergei Ershov elimizdiń Premer-Ministri Álihan Smaiylovtyń atyna joldaǵan depýtattyq saýalynda Prezidenttiń áleýetti salany reformalaý jónindegi tapsyrmalaryn zańnamalyq qamtamasyz etýge qatysty problemalardy atdy, dep habarlaidy QazAqparat.
Depýtat Memleket basshysy Májilis otyrysynda sóilegen sózinde ulttyq qaýipsizdikti qamtamasyz etý júiesin túbegeili qaita qurýǵa, Qarýly Kúshterdiń, quqyq qorǵaý qurylymdarynyń, ulttyq qaýipsizdik jáne syrtqy barlaý organdarynyń jumysyn qaita qurýǵa erekshe toqtalǵanyn atap ótti.
Senator sondai-aq depýtattardyń saýaldary men sózderinde, sondai-aq respýblikalyq biýdjetti qaraý kezinde áleýetti organdardy materialdyq-tehnikalyq qamtamasyz etý máselelerine birneshe ret nazar aýdarǵanyn atap ótti. Depýtat sonymen qatar Parlamenttiń bastamasy boiynsha tiisti zań jobasy ázirlenip, qazir Úkimet qaraýynda jatqanyn aitty.
«Zań jobasynda jekelegen qarý túrleriniń ainalymyna memlekettik baqylaý júiesin jetildirýge, qorǵanys-ónerkásip kesheni uiymdaryn jekeshelendirý erekshelikterin zańnamalyq retteýge, dini ekstremizmniń aldyn alýǵa, memlekettik shekarany qorǵaý men kúzetýdi uiymdastyrýǵa jáne júzege asyrýǵa baǵyttalǵan túzetýler kózdelgen. Osylaisha, Memleket basshysy qoiǵan mindetterdi zań jobasynyń mazmunyn keńeitý esebinen zańnamalyq túrde sheshýge bolady», - dedi Sergei Ershov.
