Vladimir Volkovtyń tóraǵalyǵymen Konstitýtsiialyq zańnama, sot júiesi jáne quqyq qorǵaý organdary komitetiniń keńeitilgen otyrysy ótti.
Otyrys barysynda senatorlar «Qazaqstan Respýblikasyndaǵy sailaý týraly» Qazaqstan Respýblikasynyń Konstitýtsiialyq zańyna ózgerister men tolyqtyrýlar engizý týraly» Konstitýtsiialyq zańnyń jobasyn qarady, dep habarlaidy "Ult aqparat" QR Parlamentiń Senatynyń baspasóz qyzmetine silteme jasap.
Atalǵan zań jobasy Memleket basshysynyń tapsyrmasyn oryndaý maqsatymen aýdandyq mańyzy bar qalalardyń, aýyldardyń, kentterdiń jáne aýyldyq okrýgterdiń ákimderin tikelei sailaý júiesin engizý úshin ázirlenip jatyr.
Sondai-aq, qujatta saiasi partiialardyń sailaý kezindegi ótý shegin tómendetý kózdelgen. Bul saiasi básekelestikti arttyrý úshin qajet. Soǵan sáikes saiasi partiialarǵa depýtattyq korpýstan oryn alý úshin sailaýshylardyń 5 paiyz daýsyn jinasa jetkilikti bolmaq. Odan bólek, barlyq deńgeidegi sailaý biýlletenderine «bárine qarsymyn» degen jazý qosylady.
Komitetteiń keńeitilgen otyrysynda senatorlar «Qazaqstan Respýblikasynyń keibir zańnamalyq aktilerine sailaý máseleleri boiynsha ózgerister men tolyqtyrýlar engizý týraly» zań jobasyn da qarady.
Zań jobasynyń negizgi mindetteri jergilikti ózin-ózi basqarý júiesin nyǵaitý, jergilikti halyqtyń óz konstitýtsiialyq quqyqtaryn paidalaný kezindegi belsendiligin arttyrý jáne saiasi partiialardyń róli men jaýapkershiligin kúsheitý bolyp tabylady. Odan bólek, qujatta aýyl ákimin sailaý, onyń quziretin toqtatý, saiasi partiialardyń aýyl ákimdigine kandidattardy shyǵarý tártibine jáne taǵy basqa máseleler boiynsha ózgerister men tolyqtyrýlar engizý qarastyrylǵan.
Zań jobalary Palatanyń qaraýyna joldandy.
