El Táýelsizdiginiń 30 jyldyǵy qarsańynda senatorlar Qazaqstannyń kórnekti qoǵam jáne memleket qairatkerleri - Qanysh Sátbaev pen Jumabek Táshenevtiń eskertkishterine gúl shoqtaryn qoidy, dep habarlaidy Senattyń baspasóz qyzmeti.
Senattyń Áleýmettik-mádeni damý jáne ǵylym komitetiniń tóraǵasy Murat Baqtiiaruly Qanysh Sátbaevtyń qazaqstandyq ǵylymdy damytýǵa qosqan baǵa jetpes úlesin atap ótti. Sonymen qatar, qazaqtyń uly ǵalymy eldiń ekonomikalyq, áleýmettik jáne rýhani ómirine belsene qatysty.
Parlamentshiler Táýelsizdik mereitoiyn merekeleý aiasynda jaqynda ashylǵan Jumabek Táshenev eskertkishinde de boldy. Senatorlar Jumabek Táshenevtiń Qazaqstannyń aýmaqtyq tutastyǵyn saqtaýǵa ólsheýsiz úles qosqanyn atap ótti. Joǵary laýazymdardaǵy qyzmeti kezinde ol qýǵyn-súrginge ushyraǵandardy aqtaý úshin kóp jumys jasady, sondai-aq qýǵyn-súrginge ushyraǵan qazaq jazýshylary Sáken Seifýllin, Beiimbet Mailin, Iliias Jansúgirov jáne basqa da qalamgerlerdiń shyǵarmalaryn qaita basyp shyǵarýǵa tikelei aralasty.
