Senat depýtattary Jambyl oblysy Baizaq aýdanyndaǵy tótenshe jaǵdaidan zardap shekkenderdi qoldaý qoryna bir kúndik jalaqylaryn aýdarady, dep habarlaidy QazAqparat.
«Jambyl oblysy Baizaq aýdanynda bolǵan tótenshe jaǵdai bárimizdiń qabyrǵamyzdy qaiystyrdy. Búgingi kúni Prezidenttiń tapsyrmasymen jarylys saldarynan qaza bolǵan azamattardyń otbasylaryna jáne zardap shekken adamdarǵa kómek kórsetilýde. Osyǵan orai, Senat depýtattarynyń bir kúndik jalaqysyn zardap shekkenderdi qoldaýǵa arnalǵan qorǵa aýdarý týraly usynys bar. Qarsylyq joq bolsa, osy usynysty qabyldaimyz, apparat tiisti jumystardy uiymdastyrady», - dedi Áshimbaev Senattyń búgingi otyrysynda.
Esterińizge sala ketsek, 26 tamyzda saǵat shamamen 19:00-de Jambyl oblysynyń Baizaq aýdanynda ornalasqan áskeri bólim qoimalarynyń birinen órt shyǵyp, joiqyn jarylys boldy. Sońǵy málimet boiynsha, Jambyl oblysyndaǵy jarylystan 15 adam qaza tapqan.
