QR Parlamenti Senatynyń depýtaty Sergei Ershov Prezident joldaýyna qatysty pikir bildirdi, dep habarlaidy QazAqparat.
«QR Prezidenti Qasym-Jomart Kemeluly Toqaevtyń Qazaqstan halqyna Joldaýy jańa jaǵdailarǵa beiimdele otyryp, eldiń áleýmettik, ekonomikalyq damýynyń negizgi baǵdarlaryn aiqyndaǵan qujat boldy. Basty nysandardyń biri – koronovirýs pandemiiasy, oǵan qosa energiia qory baǵasynyń tómendeýi saldarynan týyndaǵan daǵdarys jaǵdaiynda básekege qabiletti ekonomikany qalyptastyrý. Prezidenttiń negizgi bastamalarynyń biri – memlekettik apparatty reformalaý. Iaǵni, eki jyl kóleminde memlekettik qyzmetshiler men kvazimemlekettik sektor ókilderiniń jalpy sanyn 25%-ǵa qysqartý qarastyrylyp otyr», - dedi senator.
Onyń aitýynsha, Joldaýda óńirlerliń damýyna erekshe kóńil bólingen. «Toqaevtyń «Myqty aimaq - myqty el» atty formýlasy óńirlerdegi ózin ózi basqarý júiesin jetildirip, keńeite túsý qajettigin dáleldeidi. Ókiletti organ retinde jergilikti ózin ózi basqarý júiesin damytýǵa arnalǵan jańa kontseptsiia qabyldap, jumysqa qosýda jergilikti maslihattardyń roline airyqsha kóńil bólingen. Sonymen qatar, máslihat depýtattarynyń jumysy men otyrystary tikelei efirde transliatsiialana otyryp, ashyq túrde júrýi kerek. Máslihat mindetterine aimaq damýynyń kún tártibinde turǵan negizgi máselelerge qatysty qol jinap, petitsiia jasaqtaý múmkindikterin qosý josparda bar. Bul qadam máslihat depýtattarynyń jergilikti biýdjet shyǵyndaryn baqylap, olardyń aimaq kólemindegi máselelerdi sheshýde belsendiligin arttyrýǵa jol ashady. Monoqalalar úshin jańa múmkindikter qarastyrylǵan. Mundai eldi mekenderdiń damýy úshin qaladaǵy negizgi kásiporyndar kómekke tartylmaq. Óndiristik potentsialy joǵary aimaqtar jańa IT-tehnologiialardy tartatyn negizgi ortalyqtarǵa ainalý kerek. Mysal retinde, iri óndiristik kásiporyndar ornalasqan Qaraǵandy oblysy keltirilgen. Meniń oiymsha, Prezident pen Úkimettiń qoldaýy aimaqtaǵy joǵary tehnologiialy bilim klasteriniń damýyna yqpal etedi», - dep tolyqtyrdy depýtat.
Sergei Ershov Joldaýdyń negizgi taqyryby ulttyq ekonomika men eldiń áleýmettik beiimdiligine baǵyttalǵanyn jetkizdi.
«Bul baǵyttar úshin shaǵyn jáne orta biznesti damytý, áleýmettik standarttar platformasynyń keńeitilýi jáne Áleýmettik kodeksti daiyndaý sekildi jańa múmkindikter qarastyrylyp jatyr.
Tótenshe jaǵdai erejelerinen shaǵyn jáne orta biznes ókilderi qiyndyqtarǵa tap boldy. Osy rette biznestiń damýyna jańa múmkindikterdi qarastyra otyryp, salyq týraly zań keshendi túrde qaita qaralmaq. Otandyq kásipkerler ulttyq ekonomikanyń qozǵaýshy kúshine ainalý kerek. Sol úshin otandyq biznestiń ishki jáne syrtqy naryqqa shyǵýǵa arnalǵan tiimdi mehanizmderin qarastyrý mańyzdy. Sondai-aq, sapaly ekologiialyq zańnamany jasaqtaý negizgi tapsyrmalar qatarynda», - dedi ol.
