Senator Andrei Lýkin turǵyn úilerdegi oiyn-saýyq oryndarynyń jumys ýaqytyn saǵat 23:00-ge deiin shekteýdi usyndy, dep habarlaidy "Ult aqparat".
«Qabyldanǵan ákimshilik sharalarǵa qaramastan, oiyn-saýyq oryndaryndaǵy tártip buzýshylyqtar jalǵasa beredi dep oilaimyn. Ótken jyly statistika boiynsha politsiiaǵa oiyn-saýyq oryndaryndaǵy oqiǵalar boiynsha 16 myńǵa tarta habarlama kelip tústi. Iaǵni bul jaǵdailar dámhanalarda, meiramhanalarda jáne klýbtarda oryn aldy», - dedi A. Lýkin elordadaǵy Politsiia departamenti ujymymen kezdesý barysynda.
Onyń sózine qaraǵanda, jyl saiyn tártip saqshylarynyń osyndai shaqyrtýlarǵa barýy artyp keledi.
«Sondyqtan oiyn-saýyq oryndarynyń jumysyn zańnamalyq turǵyda shekteýdi qarastyrý qajettigi aitylýda. Olar turǵyn úilerde bolsa, saǵat 23:00-ge deiin, ǵimaraty bólek tursa, túngi saǵat 02:00-ge deiin qyzmet etýi usynylýda. Iaǵni ýaqytyn zańmen aiqyndaý qarastyrylýda», - dedi senator.
Osy oraida ol atalǵan oiyn-saýyq oryndary tarapynan tártip buzýshylyqtar oryn alsa, olardyń jumysyn shekteý sharalaryn qabyldaý kerektigin atap ótti.
