Senator Nariman Tóreǵaliev «Qazaqstandyq ishki týrizmdi damytý - ýaqyt talaby» taqyrybyndaǵy parlamenttik tyńdaýǵa daiyndyq aiasynda jáne Mańǵystaý oblysyna sapar qorytyndysy boiynsha Premer-Ministr Asqar Maminniń atyna óńirdegi týrizmdi damytý týraly depýtattyq saýal joldady, dep habarlaidy QazAqparat.
Senator Mańǵystaý oblysynyń týristik aimaqtarynda 1 100 shaqyrymnan astam joldy kúrdeli jóndeý jáne qaita jańartý qajet ekenin atap ótti.
Sonymen qatar, óńirde qurǵaq júkter men munai ónimderin tasymaldaýǵa arnalǵan «Aqtaý teńiz saýda porty» jáne «Quryq» porttary bar. Olardyń ekeýi de el ekonomikasy úshin mańyzdy ról atqarady. Alaida, olar tek júk tasymaldaý baǵytyna arnalǵan. Al jolaýshy kemelerin qabyldaýdyń múmkindikteri qarastyrylmaǵan.
«Óńirde týrizmdi odan ári damytýǵa serpin berý úshin jolaýshylar teńiz vokzalyn salý qajet. Jalpy, teńiz vokzalynyń salynýy týrizmmen birge, óńirdiń ekonomikasyna jańa serpin beretini sózsiz», - dedi Nariman Tóreǵaliev Senattyń jalpy otyrysynda.
