Senator Dana Nurjigit elimiz jastarynyń áskeri-patriottyq tárbiesine alańdaýshylyq bildirdi. Ol Premer-Ministrdiń atyna depýtattyq saýalynda jaǵdaidy jaqsartýǵa yqpal etetin birqatar qadamdar usyndy, dep habarlaidy QazAqparat.
Búgingi kúni Qorǵanys ministrligine áskeri-patriottyq tárbie berý jónindegi jumystardy júrgizý zańnamamen bekitilip berildi. Ol patriottyq tárbie – bul barshaǵa ortaq is ekenine toqtala kelip, barlyq memlekettik organdar osy jumysqa jumylýy tiis ekenin atap ótti.
Senator osy maqsatta jeke zań jobasyn ázirleýdi jáne úilestirý organyn belgileý qajettigin aitty.
«Búginde patriottyq tárbie berý júiesiniń áleýmettik-quqyqtyq mártebesi, róli, orny, maqsaty jáne patriottyq tárbie berý jumystaryn júrgizetin úilestirýshi organnyń qurylýy zańnamalyq turǵyda aiqyndalmaǵan. Árbir memlekettik organnyń, vedomstvonyń, uiymnyń qyzmetteriniń bir tarmaǵy patriottyq tárbiege baǵyttalýy tiis ekeni kórsetilmegen. Bul máseleniń zań boiynsha rettelmeýi qoǵamdyq uiymdardyń, patriottyq klýbtardyń materialdy-tehnikalyq bazasyna da áser etip otyr», - dedi Dana Nurjigit Senattyń jalpy otyrysynda.
