Senatta «Qazaqstan Respýblikasyndaǵy innovatsiialyq damý: jai-kúii, problemalary jáne quqyqtyq rettelýi» taqyrybynda dóńgelek ústel boldy, dep habarlaidy "Ult aqparat" Senattyń baspasóz qyzmetine silteme jasap.
Ekonomikalyq saiasat, innovatsiialyq damý jáne kásipkerlik komitetiniń tóraǵasy Dáýren Ádilbekov kezdesýdi asha kelip, ulttyq ekonomikany damytýda innovatsiialyq júieni damytý mańyzy zor máselelerdiń biri ekenin atap ótti.
Senator bul salada birqatar baǵdarlamalar, jol kartalary men jobalar jasalǵanyn, alaida olardy júzege asyrý naqty nátije bermei otyrǵanyn atap ótti.
«Bizge memlekettik basqarý júiesin innovatsiialyq damýǵa baǵyttaý qajet. Ulttyq innovatsiialyq júieni damytýda memlekettiń, biznestiń, bilim jáne ǵylym júiesiniń tiimdi ózara is-qimyl protsesin jolǵa qoiý talap etiledi», - dedi Dáýren Ádilbekov.
Senator Edil Mamytbekov óz kezeginde memlekettik basqarýdyń barlyq deńgeilerinde memlekettik teńdestirilgen sharalar strategiiasy men olardy iske asyrý taktikasynyń joqtyǵy innovatsiia salasyndaǵy basty másele ekenin atap ótti.
«Ǵylymi-zertteý jáne syndarly tájiribelik jumysty kommertsiialandyrýdyń nashar bolý sebepteriniń biri ónerkásip pen ǵylymnyń ózara bailanysynyń damý deńgeiiniń tómendigi bolyp tabylady», - dedi senator.
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin senatorlar aldynda esep berdi. Ol aitylǵan problemalarmen kelise otyryp, josparly kórsetkishterge qol jetkizýge jáne oń serpinge qaramastan, ol ekonomikanyń ozyq innovatsiialyq ósýin qalyptastyrý úshin áli de jetkiliksiz ekenin aitty.
Sondai-aq Indýstriia jáne infraqurylymdyq damý ministrliginiń, «Samuryq-Qazyna», «Ulttyq agrarlyq ǵylymi-bilim berý ortalyǵy» KEAQ, Innovatsiialardy damytý jónindegi ulttyq agenttiktiń ókilderi baiandama jasady.
Komitet tóraǵasy óziniń qorytyndy sózinde jobalarǵa monitoring jasaý jáne taldaý quraldarymen qosa ulttyq innovatsiialyq júieni basqarýdyń jalpy kestesin usyndy.
Dóńgelek ústel qorytyndysy boiynsha birqatar usynystar ázirlendi. Onyń ishinde innovatsiialar jáne onyń quramyndaǵy uǵymdardy aiqyndaý, Tehnologiialyq saiasat jónindegi keńestiń mártebesin kóterý, innovatsiialyq damý jónindegi negizgi kórsetkishterdi qarastyrý jáne basqa da máseleler bar.
