Biylǵy 15 qazanda QR Parlamenti Senatynyń 17 depýtatynyń ókilettik merzimi aiaqtalady, dep habarlaidy "Ult aqparat".
QR Ortalyq sailaý komissiiasy usynǵan derekterge sáikes, depýtattyq ókilettigi aiaqtalatyn senatorlar mynalar: Rashit Ákimov (Aqmola oblysynan), Marat Taǵymov (Aqtóbe oblysynan), Ańsar Musahanov (Almaty oblysynan), Sársenbai Eńsegenov (Atyraý oblysynan), Sergei Plotnikov (Shyǵys Qazaqstan oblysynan), Muratbai Joldasbaev (Jambyl oblysynan), Erbolat Muqaev (Batys Qazaqstan oblysynan), Sergei Ershov (Qaraǵandy oblysynan), Serik Bekturǵanov (Qostanai oblysynan), Bekmyrza Elamanov (Qyzylorda oblysynan), Mihail Bortnikov (Mańǵystaý oblysynan), Manap Kóbenov (Pavlodar oblysynan), Olga Perepechina (Soltústik Qazaqstan oblysynan), Áli Bektaev (Túrkistan oblysynan), Serik Jaqsybekov (Nur-Sultan qalasynan), Tóleýbek Muqashev (Almaty qalasynan) jáne Aigúl Qapbarov (Shymkent qalasynan).
Aita keteiik, búgin Memleket basshysy Qasym-Jomart Toqaevtyń Parlament Senaty depýtattarynyń sailaýyn 2020 jylǵy 12 tamyzǵa taǵaiyndaý týraly qaýlysy shyqty.
