Sýret: ashyq derekkóz
Kentaý qalasy turǵyndary Aral ekologiialyq daǵdarys jaǵdaiyna jaqyndaǵan qaýipti aimaq retinde dabyl qaǵýda. Olar 2016 jyldan bastap Kentaý men onyń ainalasyndaǵy eldi mekenderdi tótenshe ekologiialyq jaǵdai nemese ekologiialyq apat aimaǵy dep jariialaý múmkindigin belsendi túrde talqylap keledi. Senator Murat Qadyrbek elimizdiń Premer-ministrine joldaǵan saýalynda osy másele týraly aitty.
Depýtattyń aqparaty boiynsha, qazirgi ýaqytta Qazaqstan Respýblikasynyń Ekologiialyq kodeksine sáikes qurylǵan, Kentaý qalasy men oǵan irgeles eldi mekenderdi ekologiialyq apat aimaǵy dep jariialaý múmkindigin qarastyratyn arnaiy komissiia jumys istep otyr.
«Qazaqstan Respýblikasy Eńbek jáne halyqty áleýmettik qorǵaý ministrligi Túrkistan oblysynyń Kentaý qalasy men oǵan irgeles eldi mekenderdiń aýmaǵyn ekologiialyq daǵdarys jaǵdaiyna jaqyndaǵan aimaqqa kirgizý boiynsha zańnamalyq tiisti ózgerister engizý úshin naqty sharalar qabyldaýy qajet. Sonymen qatar, atalǵan aýmaqta jergilikti biýdjetten qarjylandyrylatyn biýdjettik mekemelerde jumys isteitin qyzmetkerlerge ekologiialyq aimaqta turǵany úshin áleýmettik aýdarymdarmen qosa respýblikalyq biýdjetten 20% ústemaqy qarjy qarastyrý qajettigin sheshýge yqpal etýińizdi suraimyz», - dedi senator.
