سۋرەت: اشىق دەرەككٶز
كەنتاۋ قالاسى تۇرعىندارى ارال ەكولوگييالىق داعدارىس جاعدايىنا جاقىنداعان قاۋٸپتٸ ايماق رەتٸندە دابىل قاعۋدا. ولار 2016 جىلدان باستاپ كەنتاۋ مەن ونىڭ اينالاسىنداعى ەلدٸ مەكەندەردٸ تٶتەنشە ەكولوگييالىق جاعداي نەمەسە ەكولوگييالىق اپات ايماعى دەپ جارييالاۋ مٷمكٸندٸگٸن بەلسەندٸ تٷردە تالقىلاپ كەلەدٸ. سەناتور مۇرات قادىربەك ەلٸمٸزدٸڭ پرەمەر-مينيسترٸنە جولداعان ساۋالىندا وسى مەسەلە تۋرالى ايتتى.
دەپۋتاتتىڭ اقپاراتى بويىنشا, قازٸرگٸ ۋاقىتتا قازاقستان رەسپۋبليكاسىنىڭ ەكولوگييالىق كودەكسٸنە سەيكەس قۇرىلعان, كەنتاۋ قالاسى مەن وعان ٸرگەلەس ەلدٸ مەكەندەردٸ ەكولوگييالىق اپات ايماعى دەپ جارييالاۋ مٷمكٸندٸگٸن قاراستىراتىن ارنايى كوميسسييا جۇمىس ٸستەپ وتىر.
«قازاقستان رەسپۋبليكاسى ەڭبەك جەنە حالىقتى ەلەۋمەتتٸك قورعاۋ مينيسترلٸگٸ تٷركٸستان وبلىسىنىڭ كەنتاۋ قالاسى مەن وعان ٸرگەلەس ەلدٸ مەكەندەردٸڭ اۋماعىن ەكولوگييالىق داعدارىس جاعدايىنا جاقىنداعان ايماققا كٸرگٸزۋ بويىنشا زاڭنامالىق تيٸستٸ ٶزگەرٸستەر ەنگٸزۋ ٷشٸن ناقتى شارالار قابىلداۋى قاجەت. سونىمەن قاتار, اتالعان اۋماقتا جەرگٸلٸكتٸ بيۋدجەتتەن قارجىلاندىرىلاتىن بيۋدجەتتٸك مەكەمەلەردە جۇمىس ٸستەيتٸن قىزمەتكەرلەرگە ەكولوگييالىق ايماقتا تۇرعانى ٷشٸن ەلەۋمەتتٸك اۋدارىمدارمەن قوسا رەسپۋبليكالىق بيۋدجەتتەن 20% ٷستەماقى قارجى قاراستىرۋ قاجەتتٸگٸن شەشۋگە ىقپال ەتۋٸڭٸزدٸ سۇرايمىز», - دەدٸ سەناتور.
