Senator Ábdáli Nuraliev Premer-Ministr Asqar Maminniń atyna depýtattyq saýal joldady. Ol saýalynda sý tapshylyǵyna bailanysty problemalardy kóterdi, dep habarlaidy QazAqparat.
Senator aitqan aqparat boiynsha, Qazaqstanda 2040 jylǵa qarai aýyz sý 50%-ǵa deiin tapshy bolýy múmkin.
Elimizdiń taý kólderine «Qazgidromet» júrgizgen kóp jyldyq baqylaý nátijesi boiynsha ótken jyly qar jamylǵysy aitarlyqtai tómendegeni anyqtalyp otyr. Osyǵan bailanysty bizdiń elimizdiń jáne kórshi memleketterdiń kóptegen sý qoimalarynda sý deńgeii turaqty túrde tómendep keledi jáne bul úrdis sońǵy úsh jyl boiy saqtalýda.
Senator óziniń depýtattyq saýalynda birqatar naqty qadamdardy usyndy, olardyń oryndalýy osy máseleni sheshýge kómektesýi tiis.
«Sý resýrstarynyń boljamdy tapshylyǵyn azaitý maqsatynda elimizde jer asty sý qorlaryn zertteý men qaita baǵalaýdy jandandyrý qajet. Sondai-aq, uńǵymalardy qazýǵa bólinetin sýbsidiialardyń kólemin ulǵaitý kerek. Odan basqa, Qazaqstannyń birqatar oblystaryn sýmen qamtamasyz etip otyrǵan Shý jáne Talas ózenderiniń boiynan Qyrǵyz Respýblikasynyń «Býrýldai» sý qoimasy men «Bala-Sarýý» GES-in salý josparlaryna bailanysty tiisti sharalardy qaraý qajet», - dedi Ábdáli Nuraliev.
