Tapsyrys berýshi tómen baǵaǵa qyzyǵyp, sapasyz importtyq taýar alady. Bul týraly QR Parlamenti Senatynyń tóraǵasy Dariǵa Nazarbaeva málim etti, dep habarlaidy
«Qazaqstanda qazirgi ýaqytta 1071-den 40 iri jáne orta jeńil ónerkásip salasy ǵana jumys istep tur. Iaǵni, jeńil ónerkásiptiń ádettegi kásiporny - bul tigin nemese aiaq kiim fabrikasy emes, atele jáne artel. Keibir salalarda 1 ǵana iri nemese orta kásiporyn bar. Bul rette barlyq kásiporyndardyń ortasha qýattylyǵy 26 paiyzdan sál asady. Saladaǵy qyzmetkerler tizimi 12 700 adam, al shynaiy túrde – 9 300. Bul kórsetkish keńestik ýaqytynda 200 000 bolǵan», - dedi D. Nazarbaeva Senatta elimizdegi jeńil ónerkásip taqyrybyna arnalǵan parlamenttik tyńdaýda.
Onyń sózine qaraǵanda, elimiz jeńil ónerkásip ónimderin eksporttaǵannan góri, 17 ese kóp importtaidy.
«Qazirgi kezde Qazaqstanda jeńil ónerkásipke kóbinese vedomstvolyq memlekettik tapsyrystar arqyly qoldaý jasalyp otyr, solardyń esebinen kásiporyndar jumysyn jalǵastyrýda. Biraq túrli sebepterge bailanysty bul kásiporyndarǵa tehnologiialyq turǵydan damýǵa, assortimentti keńeitýge múmkindik bermeidi. Memlekettik satyp alýǵa alyp-satarlar kóp qatysady. Tapsyrys berýshi tómen baǵaǵa qyzyǵyp, sapasyz importtyq taýar alady. Nátijesinde, biýdjet qarajaty elden shyǵarylyp, basqa elderdiń ekonomikasyn damytýǵa demeýshi bolady», - dedi Senat tóraǵasy.
Budan buryn habarlanǵandai, Dariǵa Nazarbaeva jeńil ónerkásiptiń áleýmettik mańyzdylyǵy týraly aitty.
