Senat Tóraǵasy Máýlen Áshimbaev Halyqaralyq volontiorler kúnimen quttyqtady, dep habarlaidy "Ult aqparat".
«Búgin álem boiynsha Halyqaralyq volonterler kúni atalyp ótýde. Osyǵan orai elimizdegi barlyq volonterdi ataýly kúnmen quttyqtaimyn!
Kóptegen damyǵan elderde volonterlerdiń qoǵamdaǵy róli erekshe. Sońǵy kezderi Qazaqstanda da bul úrdistiń aiasy keńeiip, qarqyndy damyp kele jatqany qýantady. Oǵan Memleket basshysynyń 2020 jyldy «Volonter jyly» dep jariialaýy da tyń serpin bergeni anyq.
Sonyń nátijesinde kóptegen igilikti ister men naqty jobalar qolǵa alyndy. Jastarymyzben birge egde jastaǵy azamattardyń da belsendiligi arta bastady. Ásirese, pandemiiamen kúres kezinde volonterlerdiń el úshin atqarǵan eren eńbegin airyqsha atap ótken jón. Bul – patriotizmniń, qaiyrymdylyqtyń jáne qamqorlyqtyń jarqyn kórinisi.
Jalpy, erikti bolý qazaqqa jat dúnie emes. Asar siiaqty kóptegen salt-dástúrimiz osy bastamamen úndes ekenin bárimiz jaqsy bilemiz. Sondyqtan aldaǵy ýaqytta Qazaqstanda volonterliktiń mańyzy artyp, elimizde eriktilerdiń qatary kóbeiedi dep senemin. Volonter kúni qutty bolsyn!», - delingen M.Áshimbaevtiń Facebook-tegi jazbasynda.
