Foto: senate.parlam.kz
Senat tóraǵasy Máýlen Áshimbaevqa Úkimettiń otstavkaǵa ketý yqtimaldyǵyna bailanysty suraq qoiyldy, - dep habarlaidy Tengrinews.kz saity.
2024 jyldyń 7 aqpanynda Astanada Úkimettiń keńeitilgen otyrysy ótedi. Bul týraly Senat kýlýarynda palata spikeri Máýlen Áshimbaev málim etti. Sondai-aq, jýrnalister oǵan ministrler kabinetiniń otstavkaǵa ketýi kútile me degen suraq qoidy.
"Birinshiden, men mundai suraqtarǵa (jaýap berýge) quzyretti emespin jáne quzyrly emespin. Bul jerde qandai da bir pikir bersem, durys bolmaidy. Jalpy, meniń oiymsha, Úkimet belsendi jumys istep, óz mindetterin oryndap jatyr. Árine, sizder, BAQ jazyp jatqan kemshilikter bar. Jalpy, búginde Úkimet Memleket basshysy bastaǵan keshendi reformalardy júzege asyrý úshin qajettiniń barlyǵyn jasap jatyr. Parlament tarapynan, atap aitqanda, Senat tarapynan biz qajetti quqyqtyq bazany jasaimyz", - dedi Áshimbaev jýrnalisterdiń suraǵyna jaýap bere otyryp.
Eske salaiyq, Astanada Prezident Qasym-Jomart Toqaev qatysatyn Úkimettiń keńeitilgen otyrysy ótedi dep kútiledi.
