Parlament Senatynyń jalpy otyrysynda Respýblikalyq biýdjettiń atqarylýyn baqylaý jónindegi esep komitetiniń múshesi qyzmetke taǵaiyndaldy, dep habarlaidy QazAqparat.
Konstitýtsiiaǵa sáikes, Senattyń kvotasy aiasynda Esep komitetiniń múshesi qyzmetine kandidatýrany Senat tóraǵasy usynady.
«Maǵan berilgen quqyqty paidalana otyryp, Senattan Esep komitetiniń múshesi qyzmetine Rasýl Nurlanuly Rahimovtiń kandidatýrasyn usynamyn. Usynylǵan kandidatýra Senattyń Qarjy jáne biýdjet komitetiniń otyrysynda aldyn ala talqylandy», - dedi Senat tóraǵasy Máýlen Áshimbaev.
Óz kezeginde Qarjy jáne biýdjet komitetiniń tóraiymy, depýtat Olga Perepechina atalǵan qyzmetke usynylǵan R. Nurlanuly «Bolashaq» stipendiiasynyń túlegi ekenin, sheteldik joǵary oqý oryndarynda bilim alǵanyn jetkizdi. Elimizde memlekettik organdarda qyzmet etip, ózin bilikti maman retinde tanyta alǵan.
Palata depýtattary bul usynysty biraýyzdan qoldady.
