Parlament Senatynyń jalpy otyrysynda «Derbes derekter almasý salasyndaǵy ákimshilik máseleler boiynsha ózara quqyqtyq kómek týraly kelisimdi ratifikatsiialaý týraly» Zańy qabyldandy, dep habarlaidy QazAqparat.
Bul kelisim TMD elderiniń ókiletti organdary arasynda jasaldy. Qujat aqparat almasýdyń quqyqtyq negizin anyqtaidy. Kelisimge 2020 jyly jeltoqsanda Memleket basshylary keńesiniń otyrysynda qol qoiyldy.
«Kelisimdi ratifikatsiialaý TMD elderinen azamattyqtyń bolýy nemese bolmaýy, jeke basty kýálandyratyn qujattar, kóshi-qon esebinde turǵan adamdar, sheteldikterge osy elderge kelýge jáne onda bolýǵa berilgen vizalar, qylmystyq nemese ákimshilik jaýapqa tartylǵany týraly málimetterdi alýǵa bolady. Atalǵan qujat qos azamattyqty boldyrmaýǵa múmkindik beredi», - dedi QR Ishki ister ministriniń birinshi orynbasary Marat Qojaev.
Budan basqa kelisim boiynsha qosymsha aqparatty alýǵa bolady. Basqa elden alynǵan jeke basyn kýálandyratyn qujattardy joǵaltqan kezde adamnyń kim ekenin, azamattyń shetelde turatyn jerin anyqtaýǵa múmkindik beredi. Sonymen qatar, ákimshilik nemese qylmystyq quqyq buzýshylyq jasaǵany úshin adamdardy jaýapqa tartý týraly málimetter quqyqtyq kómek kórsetý aiasynda paidalanylýy múmkin. Bul aqparattardy ókiletti organdar suraý salý arqyly alady. Jaýap merzimi eki aidan aspaýy tiis.
«Bul rette kelisimde azmattarǵa qatysty málimetterdiń qupiialyǵy, ol derekterdi paidalanýǵa shekteýler, sondai-aq suraý salýdy qanaǵattandyrmaityn talaptar naqty jazylǵan. Qujatty ratifikatsiialaý TMD elderindegi quzyretti organdardyń ózara is-qimylynyń tiimdiligin arttyrýǵa múmkindik beredi. Zań jobasy elimizdiń barlyq múddeli memlekettik organdarymen kelisildi», - M. Qojaev.
