Parlament Senatynda depýtattar Álimjan Qurtaev, Mihail Bortnik, Erik Sultanov jáne Armeniianyń Qazaqstandaǵy elshisi Gagik Galachiannyń kezdesýi boldy, dep habarlaidy "Ult aqparat" joǵary palatanyń baspasóz qyzmetine silteme jasap.
Júzdesýde eki jaqty qatynastardy damytýdyń, atap aitqanda kólik-logistika baǵdary men kásipkerlik qyzmetti júrgizýdiń múmkindikterin keńeitýge qatysty aýqymdy máseleler qaraldy.
Qazaqstannan Armeniiaǵa baǵaly metaldardy ýaqytsha áketýdi zańnamalyq retteý taqyryby bólek qaraldy.
Taraptar sondai-aq 2020 jyly ótetin Qazaqstan-Armian biznes-forýmyn ótkizýdi de talqylady.
Kezdesý qorytyndysy boiynsha talqylanǵan máseleler boiynsha taldaý júrgizý jáne usynystar ázirleý jónindegi jumys tobyn qurý týraly sheshim qabyldandy.
Qazaqstan Respýblikasy Parlamenti Senatynyń Tóraǵasy Dariǵa Nazarbaeva 14 qarashada Armeniiaǵa resmi saparmen barǵan bolatyn, onda Qazaqstan men Armeniianyń ekonomikalyq jáne gýmanitarlyq salalardaǵy qatynastaryn odan ári keńeitý máseleleri talqylandy.
