Senattyń jalpy otyrysynda Respýblikalyq biýdjettiń atqarylýyn baqylaý jónindegi esep komitetiniń Senat taǵaiyndaǵan múshesi Talǵat Jaqannyń ókilettigi toqtatylyp, laýazymynan bosatyldy, dep habarlaidy QazAqparat.
Senattyń Qarjy jáne biýdjet komitetiniń tóraiymy Olga Perepechinanyń aitýynsha, komitet Respýblikalyq biýdjettiń atqarylýyn baqylaý jónindegi esep komiteti tóraiymynyń Esep komitetiniń Senat taǵaiyndaǵan múshesi Talǵat Amangeldiuly Jaqannyń basqa jumysqa aýysýy týraly ózi bergen ótinishine bailanysty ókilettigin toqtatý jáne laýazymynan bosatý týraly usynysyn qarap shyqty.
T. Jaqan Esep komitetiniń múshesi bolyp 2016 jyly 16 qyrkúiekte Senattyń qaýlysymen taǵaiyndaldy.
«Esep komitetindegi qyzmeti kezinde ol ózin jaýapty ári bilikti basshy retinde kórsetti. Onyń jetekshiligimen ulttyq holdingter men kompaniialardyń, Ulttyq qordyń tiimdiliginiń aýditi júrgizildi. 31 tamyzda Talǵan Amangeldiuly basqa jumysqa aýysýyna bailanysty qyzmetinen bosatý týraly Senat tóraǵasy Máýlen Áshimbaevtyń atyna ótinim berdi», - dedi O. Perepechina.
Talqylaý barysynda palata depýtattary atalǵan usynymǵa qoldaý bildirdi.
