Parlament Senatynda «2014 jylǵy 29 mamyrdaǵy Eýraziialyq ekonomikalyq odaq týraly shartqa Qyrǵyz Respýblikasynyń qosylýyna bailanysty oǵan ózgerister engizý týraly hattamany ratifikatsiialaý týraly» QR Zańyn qabyldady, dep habarlaidy QazAqparat.
«Qyrǵyzstan 2014 jyly 23 jeltoqsanda qol qoiylǵan Qyrǵyz Respýblikasynyń qosylýy týraly shart sheńberinde Eýraziialyq ekonomikalyq odaq týraly shartqa qosyldy. Ony odaqqa múshe barlyq memleketter ratifikatsiialady jáne 2015 jyly 12 tamyzda Qyrǵyzstan odaqtyń tolyq quqyly múshesi boldy. Odaqqa múshe memleketterdiń aýmaǵy boiynsha Qyrǵyzstan tarapynan elektr energiiasyn memleketaralyq berý ózara qarym-qatynastaryn retteý sheńberinde hattama ázirlendi. Onyń maqsaty Qyrǵyz Respýblikasynyń shartqa qosylýyna bailanysty odaq elderi arasynda elektr energiiasyn memleketaralyq berýdi júzege asyrý ádisnamasyn aiqyndaý bolyp tabylady», - dedi QR Energetika vitse-ministri Qairat Rahymov Senattyń búgingi otyrysynda.
Onyń aitýynsha, hattama jobasy 2017 jyly 13 qańtarda Eýraziialyq ekonomikalyq odaq keńesiniń ókimimen maquldanǵan. Hattamany ratifikatsiialaý, baǵa belgileý men tariftik saiasat negizderin qosa alǵanda, elektr energetikasy salasyndaǵy tabiǵi monopoliialar sýbektileri qyzmetterine qol jetkizý týraly hattamaǵa Qyrǵyz Respýblikasynyń qosylýyn eskere otyryp, odaqqa múshe memleketterdiń energiia jelileriniń tiimdi jumys isteý múmkindigin qamtamasyz etedi.
Sondai-aq, vitse-ministr Qyrǵyzstanda elektr energiiasyn importtaý qajettiligi ondaǵy sý elektr stantsiialary ornalasqan ózenderdegi aǵynnyń azaiýyna bailanysty týyndaǵanyn túsindirdi.
«Hattamany Armeniia, Belarýs, Qyrǵyzstan jáne Resei elderi ratifikatsiialaidy. Zań jobasyn qabyldaý teris áleýmettik-ekonomikalyq jáne ózge de saldarǵa ákep soqpaidy. Memlekettik biýdjetten qosymsha shyǵystardy talap etpeidi», - dedi vitse-ministri.
