Semeilik fizika pániniń oqytýshysy Ashat Jumabekov Global Teacher Prize halyqaralyq syilyǵynyń finalister tizimine endi, dep habarlaidy QazAqparat.
Bul týraly Qoǵamdyq mańyzy bar bastamalar qorynyń ókilderi málim etti.
«Semei qalasynyń oqytýshysy, fizika pániniń muǵalimi Ashat Jumabekov Varkey qory taǵaiyndaityn Global Teacher Prize halyqaralyq syilyǵynyń finalister tizimine endi. Ashat Jumabekov 2019 jyly «Qoǵamdyq mańyzy bar bastamalardy damytý» qory uiymdastyrǵan National Teacher Prize Kazakhstan-2019 ulttyq syilyǵynyń finalisi bolǵan edi» dep jazylǵan Qoǵamdyq mańyzy bar bastamalar qorynyń Instagram paraqshasynda.
Ashat Jumabekov ázirge atalmysh jahandyq syilyqtyń finalisteri tizimine engen alǵashqy qazaqstandyq. Eger bul joly top jarsa, 1 mln dollarlyq syiaqyǵa ie bolady.
Qazaqstandyq ustazdyń bul syndaǵy basqa qarsylastary týraly málimetti jáne Ashat Jumabekovtiń eńbekterimen Global Teacher Prize saitynda tolyǵyraq tanysýǵa bolady.
