Jaz mezgilinde sýǵa túsý maýsymy ashyq bolýyna bailanysty, sýǵa ketý qaýip-qateri de kóbeie túsetini anyq. Máselen, keshe semeilik áskeriler sýǵa ketken jasóspirimniń ómirin qutqaryp qaldy. Belgili bolǵanyndai ómirine qaýip tóngen jasósirimniń jasy 16-da, - dep habarlaidy «Ult aqparat».
Belgili bolǵanyndai, 25 shildede № 68303 áskeri bóliminiń qyzmetshileri Ertis ózeniniń jaǵalaýyn qaiyqpen jáne jaiaý patrýldep júrgen. Jumys barysynda olar sýǵa qulaǵan 16 jastaǵy jigitti qatty aǵyn alyp ketkenin baiqap qalǵan. Bul týraly ShQO Tótenshe jaǵdailar departamenti baspasóz qyzmeti málimdedi.
«Saǵjan Muhtarov qutqarý keýdeshesin kiip, ózin arqanmen bailap, kómekke umtyldy. Qaýipsizdik maqsatynda onyń áriptesteri Azamat Moldashev, Talǵat Qoqabaev jáne Meiir Qazbekuly arqandy ustap, qaiyqpen júzip otyrdy. Sóitip olar jasóspirimge jetken Saǵjan Muhtarovty arqanmen tartyp sýdan shyǵardy», - dep habarlady ShQO Tótenshe jaǵdailar departamenti baspasóz qyzmeti.
Al búgin keshe sýǵa batyp bara jatqan jasóspirimdi qutqarǵan semeilik áskeri qyzmetshiler marapattaldy. Belgili bolǵanyndai, Qazaqstan Respýblikasy Tótenshe jaǵdailar ministriniń buiryǵymen jasóspirimdi ajaldan arashalap qalǵan áskeri qyzmetshiler marapattaldy. Semei qalalyq TJB bastyǵynyń orynbasary Ernar Jálelov Azamat Moldashev, Talǵat Kókabaev, Meiir Qazbekuly jáne Saǵjan Muhtarovqa óz rizashylyǵyn bildirip, alǵys hat tabystady.
Dál osyǵan uqsas oqiǵa Óskemen qalasynda da oryn aldy. Bqd joly qarapaiym azamat, qala turǵyny sýǵa batyp bara jatqan 10 jastaǵy qyz balany qutqaryp qaldy. Qala mańyndaǵy sý qoimaǵa demalysqa kelgen Shyńǵys Amantai kenet kómek suraǵan ashy daýysty estidi.
«Qutqaryńdar dep janushyra aiǵailap jatqan daýys jaqqa qarai tura júgirdim. Bara-bara daýys alystap bara jatty. Kishkentai qyz balanyń daýysy qulaǵymda jańǵyryp, qutqaryp úlgersem eken degen oi ǵana boldy. Jan-jaǵyma qaraýǵa mursha bolmady, sýǵa júgirdim. Baǵymyzǵa orai qyzdy aman-esen alyp shyqtym. Qarasam, jaǵada birneshe adam abdyrap qalǵan eken. Kómekke umtylmady dep eshkimshge renjýge bolmaidy, mundai kezde adam shok jaǵdaiynda qatyp turyp qalýy múmkin. Eń bastysy, ekeýimiz de amanbyz», - dedi beibit kúnniń batyry.
Esterińizge sala ketsek, osyǵan deiin Semeide sýǵa batyp bara jatqan jasóspirimdi sarbazdar qutqaryp qalǵan bolatyn. № 68303 áskeri bóliminiń qyzmetshileri Ertis ózeniniń jaǵalaýyn qaiyqpen jáne jaiaý patrýldep júrgen. Jumys barysynda olar sýǵa qulaǵan 16 jastaǵy jigitti qatty aǵyn alyp ketkenin baiqap qalǵan. Semei qalalyq TJB bastyǵynyń orynbasary Ernar Jálelov Azamat Moldashev, Talǵat Kókabaev, Meiir Qazbekuly jáne Saǵjan Muhtarovqa óz rizashylyǵyn bildirip, alǵys hat tabystady. Osy rette, departament mamandary óńir jurtshylyǵyn sý aidyndarynda qaýipsizdik erejelerin qatań saqtaýǵa, jabdyqtalmaǵan jerlerde shomylmaýǵa shaqyrady.
