2019 jylǵa deiin Semei qalasynyń barlyq kósheleri men demalys oryndary kórkeitilip, jylý júieleri jańartylyp, kázir júieleri diýkerleriniń máseleleri sheshilip, 300 myń sharshy metr turǵyn úi paidalanýǵa berilip, 5 myń oryndyq mádeni-sporttyq keshen salynady. Osy jáne basqa da aýqymdy oń ózgerister Semeide aldaǵy úsh jylǵa arnalǵan damý josparynyń aiasynda iske asyrylady. Bul týraly oblystyq ákimdiktiń Semeide ótken qalanyń áleýmettik-ekonomikalyq damýyna arnalǵan kóshpeli májilisinde belgili boldy.
- Semeidi damytýǵa arnalǵan úsh jyldyq jospar qalanyń erekshelikteri eskerilip, qolaily jaǵdailar jasaýǵa baǵyttalǵan. Osyǵan deiin oblystyq biýdjetke aýdarylatyn qarajat, qalalyq biýdjette qaldyrylyp keledi. Sońǵy úsh jylda qala biýdjeti 55 %-ǵa artqan. Biz, qala basshylyǵynan Jospardy iske asyrýǵa óte jaýapkershilikpen qaraýdy talap etemiz! Suraý qatań bolady. Kún saiyn óz ákimderińizden talap etińizder!»- dedi, oblys ákimi Danial Ahmetov.
2017-2019 jyldarǵa arnalǵan Semeidi damytýdyń aýqymdy jospary negizgi 4 baǵytty qamtidy. Bul turǵyn úi qurylysyn, áleýmettik salany, ishki infraqurylymdy, turǵyn úi-kommýnaldyq sharýashylyǵyn jańǵyrtý. Aýqymdy ózgertýlerdi iske asyrýǵa túrli qarjy kózderinen 113 mlrd. teńge jumsalatyn bolady.
Jyl saiyn qalanyń joldaryn jóndeýge 1 mlrd. teńge baǵyttalatyn bolady. Úsh jylda uzyndyǵy 75 km quraityn 48 kósheni jóndeledi. Semeidi damytý josparynda Eýropalyq Qaita qurý jáne Damý Bankinen qarajat tartý qarastyrylýda. Investitsiia esebinen 25,7 km jylý júieleri jańartylyp, eski qurylǵylar aýystyrylady. 2016 jyly Eýropalyq Qaita qurý jáne Damý Bankiniń kómegimen 2,6 mlrd teńgege 17 km jylý júieleri aýystyryldy.
Sýmen qamtamasyz etý jáne káriz júieleri de jańǵyrtylmaq. Sonymen qatar, uzaq ýaqyt boiy qala turǵyndaryn alańdatqan uzyndyǵy 1,6 km quraityn kárizdik diýker jóndeledi.
Semeidiń áýejaiy kúrdeli jóndeýden ótkiziledi. Ushý-qoný jolaǵy uzartylyp, halyqaralyq talaptarǵa sáikestendiriledi. Jobanyń jalpy quny 10,4 mlrd teńge.
Semei qalasynda qurylys salasy dami túspek. Ótken jyly 51,2 myń sharshy metr bolatyn 12 kóppáterli úi salyndy. Biraq, bul da azdyq etýde. Semeidi damytý Josparyna sáikes kóppáterli turǵyn úilerdiń qurylysy men olarǵa injenerlik jelilerdi tartý úshin túrli qarajat kózderinen 28,1 mlrd teńge jumsalmaq.
Kópqabatty turǵyn úi qurylysy tolyqtai Qaraǵaily shaǵyn aýdanynda júrgiziledi. 18 kópqabatty úidiń qurylysy 11,1 mlrd teńge kóleminde damý institýttarynyń qarjysyn tartý esebinen júrgizilmek. 20 úidiń qurylysyna 9,5 mlrd teńge kóleminde respýblikalyq jáne oblystyq biýdjetterden qarjy bólinedi.
Sonymen qatar, qalanyń Qaraǵaily shaǵyn aýdanynda 2017 jyly biregei «Abai Arena» mádeni-sporttyq ortalyǵynyń qurylysy bastalmaq.
