Shyǵys Qazaqstan oblysynyń ákimi Danial Ahmetov Semeige jumys saparymen keldi. Aimaq basshysy «Adal» dúkender jelisin aralap, Abai teatryndaǵy jóndeý jumystarynyń qarqynymen tanysty, dep habarlaidy "Ult aqparat".
ShQO ákimi «Adal» dúkender jelisiniń jumysyna oń baǵa berdi. 2 sáýirden bastap qala ákimdigi atalmysh sýpermarkettermen jáne «Adal-farm» dárihanalarymen birlese otyryp, qarttar men múgedekterge eń qajetti zattardy jetkizýdi uiymdastyrdy. Ol úshin 52-12-12 nómiri boiynsha qońyraý shalyp, tapsyrys berý jetkilikti. Azyq-túlik pen dári-dármekterdi Jastar resýrstyq ortalyǵynyń eriktileri tiisti mekenjaiǵa jetkizip beredi. Tapsyrysty aptasyna bir ret jasaýǵa bolady. Bailanys ortalyǵynyń mamandary tapsyrystardy saǵat 07.00-den bastap keshki 19.00-ge deiin qabyldaidy. Sáýirdiń ekisinen beri búginge deiin 1200 ótinish túsken.
Al Abai atyndaǵy teatrda hákimniń 175 jyldyq mereitoiyna orai jóndeý jumystary júrgizilýde. Teatr direktory Iakov Gorelnikovtyń aitýynsha, ótken jyldyń qyrkúieginde qajetti qarajat bólinip, teatr akterleriniń sýretteri salynǵan stendter jańartylǵan. Sonymen qatar órt qaýipsizdigi sharalary da kúsheitilgen. Budan bólek, zamanaýi dybys jáne jaryq jabdyqtary satyp alynypty.
«Mádeniet oshaǵynda mundai aýqymdy jóndeý jumystary buryn sońdy bolǵan emes. Kúrdeli jóndeýmen qatar teatr aýmaǵy abattandyrylmaq. Jumys barysyn aimaq basshysy, qala ákimi jáne oblystyq mádeniet basqarmasy qatań baqylaýǵa alǵan. Abaidyń 175 jyldyǵyna orai eń mańyzdy is-sharalar osy teatrda ótetindikten biz qonaqtardy laiyqty qarsy alýymyz kerek», - dedi Iakov Gorelnikov.
Teatr ishinde de birqatar ózgerister oryn almaq. Ekinshi qabattyń foiesi de qonaqtardy jańasha kelbette qarsy alatyn bolady. Kórermender zaly da jańartylady. Abai mereitoiyna orai teatr akterleri endi jańa sahnada óner kórsetedi.
Jańartýlar sahna artynda da kútilýde, naqty aitsaq, grimerlik jáne daiyndyq bólmelerinde de jóndeý jumystary qolǵa alynbaq. Teatrdyń shyǵarmashylyq quramy TJ rejimi engizilýine bailanysty ázirshe eńbek demalysyna shyqty. Biraq jumys toqtaǵan joq. 15 kúnnen keiin kórermender onlain-rejimde «Revizor» qoiylymyn tamashai alady. Oblys ákimi Danial Ahmetov teatrdyń tús gammasyna muqiiat qaraý kerektigin basa aitty.
«Túrli-tústi boiaýlardyń qajeti joq. Tek ustamdy tústerdi paidalanyp, koloristikany saqtaǵan jón. Metall qorshaýlardy bezendirýge de nazar aýdaryńyzdar. Biz munda halyqaralyq ǵylymi-tájiribelik konferentsiia ótkizemiz, sondyqtan da dizain máselesi jaqyn arada sheshiledi dep úmittenemin», – dedi ákim.
Sapar sońynda óńir basshysy qazir qaita jańartylyp jatqan Ortalyq saiabaq pen jaiaý júrginshilerge arnalǵan kóshe qurylysyn tekserdi.
«Munda serýendeitin jastar: «Shetelde qandai ádemi» dep oilamaýy kerek. Sol sulýlyqtyń bárin osynda, óz qalamyzda jasaý qolymyzda tur. Bul 300 metrlik kóshe Eýropadaǵydai bolýy tiis. Ol úshin tiisti qarajat bólingen», - dedi Danial Kenjetaiuly.
Osylaisha, 1 shildede Semeide jaiaý júrginshiler kóshesi bolady. Oblys ákimi jergilikti atqarýshy bilikke zamanaýi dizain jasaýdy tapsyrdy. Al Ortalyq saiabaqtaǵy jumystar 1 maýsymǵa deiin aiaqtalmaq.
Jumys saparynyń sońynda Danial Ahmetov jýrnalisterge bergen suhbatynda oblys turǵyndaryna úndeý joldady:
«Eger biz óz balalarymyzdyń jáne nemerelerimizdiń densaýlyǵyna alańdasaq, onda olardy oqshaýlaýymyz kerek. Kólik sanynyń aitarlyqtai azaiýy quba-qup. Biz tańdaǵan ádis koronavirýstyń taralýyn edáýir báseńdetýge múmkindik beredi. Qalaǵa qajetsiz shyqpai, saqtanyńyzdar – bul juqpaly indetpen kúrestiń jalǵyz ádisi», - dedi ol.
