Sýret: aif.ru
Semeide jigit súiiktisin kólikpen basyp ketti. Bolǵan oqiǵadan keiin 33 jastaǵy Diana Súleimenova komaǵa túsip, artynsha kóz jumdy, dep habarlaidy "Ult aqparat".
Quqyq qorǵaýshylar jariialaǵan sot-meditsinalyq saraptamanyń qorytyndysy boiynsha, onyń ólimi ashyq bassúiek-mi jaraqatynyń saldarynan bolǵan. Qyzdyń denesinen toǵyz gematoma anyqtaldy, olardyń keibireýleri úsh apta buryn jasalǵan. Úsh aptalyq gematomalardyń qaitalanǵan jaraqattan týyndaǵany belgili boldy. Bul tujyrym Diananyń júieli túrde soqqyǵa jyǵylǵanyn kórsetedi.
Diana komada 15 saǵat jatyp, kóz jumdy.
"Kúdikti anyqtalyp, ustaldy, onyń kinási qylmystyq is materialdarymen, sonyń ishinde sot-meditsinalyq saraptamalarymen dáleldendi. Qazirgi ýaqytta kúdikti sotqa jiberildi", – dep habarlady Abai oblystyq politsiia departamenti ókilderi.
Eske salsaq, Taldyqorǵandaǵy sulýlyq salondarynyń birinde er adam óziniń burynǵy súiiktisine shabýyl jasap, ony pyshaqpen baýyzdamaq bolǵan.
