Semei qalasynda toi ótkizip, Qairat Nurtasty shaqyrǵandarǵa qatysty ShQO Sanitariialyq-epidemiologiialyq baqylaý departamenti tekserý júrgizýde, dep habarlaidy "Ult aqparat".
23 naýryzda áleýmettik jelilerde Semeidegi meiramhanalardyń birinde ótken toida bolǵan estrada juldyzy Qairat Nurtas pen qonaqtardyń videolary jariialanýda. QR jáne oblystyń bas memlekettik sanitariialyq dárigerleriniń qaýlylaryna sáikes, toi ótkizýge tyiym salynǵan.
«Karantin talaptaryn buzǵan meiramhana iesine qatysty tiisti materialdar túsken. Qazirgi ýaqytta osy fakti boiynsha ShQO SEBD Semei qalalyq Sanitariialyq-epidemiologiialyq baqylaý basqarmasy tekserý júrgizýde. Sonyń nátijeleri boiynsha kináli tulǵalarǵa QR «Ákimshilik quqyq buzýshylyq týraly» Kodeksiniń 425-baby 1-bóligine sáikes ákimshilik sipattaǵy sharalar qabyldanatyn bolady. Túsken materialdar zańnamada belgilengen merzimde qaralady», - dep habarlady ShQO Sanitariialyq-epidemiologiialyq baqylaý departamentiniń baspasóz qyzmeti.
Vedomstvo málimetinshe, Shyǵys Qazaqstan «jasyl» aimaqta bolsa da QR jáne oblystyń Bas memlekettik sanitariialyq dárigeriniń qaýlylarymen belgilengen shekteý sharalaryn qatań saqtaý qajet.
