Semei qalasynda terrorizmge qarsy qorǵanys talaptaryn buzǵan mektep direktoryna aiyppul salyndy, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, tártip saqshylary únemi terroristik turǵydan osal keletin nysandarǵa tekserý júrgizedi. Kezekti tekserý barysynda Ekstremizmge qarsy is-qimyl basqarmasynyń qyzmetkerleri Semei qalasyndaǵy mektepterdiń birinen óreskel ereje buzýshylyqtardy anyqtaǵan.
«Terrorizmge qarsy zańnamanyń talaptaryn buzǵany úshin mektep direktoryna Semei qalalyq ákimshilik sotynyń sheshimimen QR ÁQBtK-niń 149-baby 1-bóligine sáikes 100 AEK kóleminde (277 myń 800 teńge) aiyppul salyndy», - dedi ShQO PD bastyǵy Saǵat Mádiev.
Sonymen qatar oǵan anyqtalǵan kemshlikterdi joiý úshin 30 kún ýaqyt berildi.
