Semei qalasynda poiyz qaqqan er adam mert boldy, dep habarlaidy QazAqparat.
ShQO kóliktegi politsiia departamenti baspasóz qyzmetiniń málimetine súiensek, oqiǵa «Spartak» stadiony mańyndaǵy temirjolda boldy.
29 jastaǵy azamatty teplovoz qaǵyp ketken.
«Qazirgi ýaqytta atalǵan fakti boiynsha Semei stansasynyń jelilik politsiia bólimi Qazaqstan Respýblikasy Qylmystyq Kodeksiniń 344-babyna (Abaisyzda adam ólimine ákep soqqan jol qozǵalysy nemese temir jol kóligin paidalaný qaýipsizdigi erejelerin buzý) sáikes sotqa deiingi tergeý amaldaryn bastady. Birqatar tiisti saraptama taǵaiyndaldy», - delingen aqparatta.
Vedomstvo dereginshe, Qylmystyq is júrgizý kodeksiniń 201-baby 1-bóligine sáikes ózge aqparattar jariia etilmeidi.
