Shyǵys Qazaqstan oblysynda kóppáterli turǵyn úide bolǵan órtten 70 jastaǵy áiel mert boldy, dep habarlaidy "Ult aqparat" Semei qalalyq tótenshe jaǵdailar basqarmasyna silteme jasap.
TJ basqarmasy Ózerki aýylynda órt bolǵanyn habarlady. Eldimekendegi jeke turǵyn úidiń páterleriniń biri órtengen. Aǵash eden, jihaz, jeke zattar, tósek oryndary men esigi, 7 sharshy metr aýmaq otqa oranǵan.
Órt sóndirýshiler páterden 70 jastaǵy úi iesiniń máiitin tapqan. Marqumnyń jalǵyz turatyny jáne júre almaityny belgili boldy. Oǵan kórshisi qamqorlyq jasaǵan. Kútýshisi túski 12-de páterdegi peshke ot jaǵyp, úiine ketken. Kórshi áiel 15.00-de tútinniń iisin sezgen. Biraq mán bermegen. Saǵat 16.00-de kórshisi páterdiń órtenip jatqanyn bilgen.
«Mert bolǵan áieldiń únemi temeki tartatyny anyqtaldy. Órt sebebiniń eki nusqasy bar - temeki shegý kezinde abailamaý jáne jylytý peshin ornatyp, paidalaný kezinde órt qaýipsizdigi talaptaryn buzý», - dep atap ótti TJ basqarmasynda.
