Foto: t.me/qr_tjm
Semeide orman órtimen kúres jalǵasyp jatyr. Úkimet otyrysynda Abai oblysynyń ákimi Nurlan Uranhaev qazirgi jaǵdaidy baiandady, - dep habarlaidy Tengrinews.kz saity.
Oblys ákiminiń aitýynsha, búginde órttiń jalpy aýdany 60 myń gektarǵa jýyq, onyń 43 myń gektar jeri óte qatty janyp jatyr. Eldi mekenderge qaýip tónip turǵan joq. Órtti sóndirý úsh baǵytta júrgizilip jatyr.
"Shyǵysta aýyr tehnika orman aǵashtaryn kesip, órttiń taralýynyń aldyn alyp jatyr. Qalǵan eki aimaqqa jetý qiyndyǵyn eskere otyryp, jaiaý jáne tikushaqpen sóndirý jumystary júrgizilip jatyr", - dedi Abai oblysynyń ákimi.
